புதுமை சினிமா செய்திகள்

ரஞ்சிதா இருக்கும் இடம் தெரிந்தது! போலீசுக்கு புது கடிதம்!!

2010-06-18T07:28:00.000-07:00

சாமியார் நித்தியானந்தாவுடன் உல்லாசமாக இருந்த விவகாரத்தில் தொடர்ந்து தலைமறைவாக இருக்கும் ரஞ்சிதா தற்போது புதிய கடிதம் ஒன்றை பெங்களூரு போலீசுக்கு அனுப்பியுள்ளார். அதில், தான் அமெரிக்காவில் உள்ள தனது சகோதரியுடன் இருப்பதாகவும், தனக்கு உடல் நிலை சரியில்லை என்றும் கூறியிருக்கிறார்.

நித்தியானந்தா விவகாரத்தில் ரஞ்சிதாவிடம் விசாரணை நடத்தினால் பல முக்கிய தகவல்கள் கிடைக்கும் என கருதிய போலீசார் அவரை கைது செய்வதில் முனைப்பு காட்டி வருகிறார்கள். ஆனால் ரஞ்சிதாவோ ‌போலீசாருக்கு டிமிக்கி கொடுத்து தலைமறைவாகவே இருக்கிறார். ஏற்கனவே 2 ‌கடிதங்களை எழுதிய ரஞ்சிதா, இப்போது அமெரிக்காவில் இருப்பதாக பெங்களூரு சிஐடி போலீசுக்கு புது கடிதம் ஒன்றை அனுப்பியுள்ளார்.

ரஞ்சிதா வாக்குமூலம் கொடுத்தால் நித்தியானந்தா மீதான வழக்குகள் உறுதிபடுத்தப்படும் என்கிற நிலையில் அவரிடம் வாக்குமூலம் பெறுவதற்கு போலீசார் தீவிர முயற்சி எடுத்து வருகிறார்கள். இந்நிலையில் அவர் அனுப்பியுள்ள புதிய கடிதத்தில் கூறியிருப்பதாவது:

நான் இப்போது அமெரிக்காவில் உள்ள எனது சகோதரியின் வீட்டிங் இருக்கிறேன். எனது உடல்நிலை சரியில்லை. அதனால் டாக்டர்கள் அறிவுரைப்படி ஓய்வு எடுத்துக் கொண்டிருக்கிறேன். இந்த நிலையில் என்னால் வாக்குமூலம் கொடுக்க இயலாது. உடல்நிலை சரியான பிறகு கண்டிப்பாக ‌போலீஸ் முன் ஆஜராகி நடந்த உண்மைகளை கூறுவேன். அதுவரை என்னை போலீசார் தேட வேண்டாம். என்னை தே‌டும் பணியை நிறுத்தும்படி‌ கேட்டுக் கொள்கிறேன்.

இவ்வாறு ரஞ்சிதா தனது கடிதத்தில் கூறியிருப்பதாக போலீஸ் அதிகாரிகள் தெரிவித்துள்ளனர். ரஞ்சிதா எங்கு இருக்கிறார் என்று தெரியாமல் இருந்து வந்த நிலையில், அவர் அமெரிக்காவில் இருப்பது இக்கடிதத்தின் மூலம் உறுதிபடுத்தப்பட்டுள்ளது. அடுத்த கட்ட நடவடிக்கை குறித்து ஆலோசித்து முடிவு எடுக்கப்படும் என்றும் அதிகாரிகள் கூறியுள்ளனர்.

அந்தரத்தில் பறந்து சண்டை! வில்லன் நடிகர் எடுத்த ரிஸ்க்!

2010-06-18T07:25:00.000-07:00

டைரக்டர் பேரரசு இயக்கத்தில் உருவாகி வரும் புதிய படம் திருத்தணி. இப்படத்தின் நாயகனாக ‌நடிகர் பரத்தும், நாயகியாக சுனேனாவும் நடிக்கிறார்கள். முக்கிய கேரக்டரில் தமிழ்சினிமாவில் புதிய வில்லனாக உருவெடுத்து வரும் ஜெகன் நடிக்கிறார்.

படத்தில் அவருக்கு போலீஸ் இன்ஸ்பெக்டர் வேடம். கதைப்படி வில்லன் இன்ஸ்பெக்டரிடம் வாய்சவடால் விட்டு மோதுகிறார் பரத். இருவரும் மோதிக்கொள்ளும் பிரமாண்ட சண்டைக்காட்சி சென்னை விமானநிலையத்துக்கு அருகில் உள்ள பின்னி மில்லில் படமாக்கப்பட்டது. ஸ்டண்ட் மாஸ்டர் தீப்பொறி நித்யா சண்டை பயிற்சி அளித்தார்.

ரிஸ்க்கான காட்சி என்பதால் ஜெகனுக்கு பதிலாக நடிக்க டூப் நடிகர் வரவழைக்கப்பட்டிருந்தார். ஆனால் ஜெகன் டூப் இல்லாமல் காட்சிகளை ஒரே டேக்கில் நடித்துக் கொடுத்தார். டூப் இல்லாமல் அந்தரத்தில் பறந்து சண்டை போட்ட வில்லன் நடிகர் ஜெகனை மாஸ்டர் தீப்பொறி நித்யா மற்றும் சண்டைக் கலைஞர்கள் பாராட்டினார்கள்

சிகரெட் பிடிக்க அதிக சம்பளம் கேட்ட முமைத்கான்

2010-06-18T07:23:00.000-07:00

சினிமாவில் சிகரெட் பிடிக்கும் காட்சியில் நடிக்க கூடுதல் சம்பளம் கேட்டிருக்கிறார் நடிகை முமைத்கான். நடிகை முமைத்கான் நடித்து வரும் புதிய படம் பவுர்ணமி நாகம்.

இப்படத்தில் முக்கிய கேரக்டரே முமைத்கான்தான். படத்தின் கதைப்படி ஒரு காட்சியில் சிகரெட் பிடித்தபடி நடிக்குமாறு முமைத்கானிடம் டைரக்டர் யார் கண்ணன் கூறியிருக்கிறார். ஆனால் முமைத்கான் முதலில் சிகரெட் பிடிக்கும் காட்சியில் நடிக்க மறுத்துள்ளார்.

அதன் பின்னர் காட்சியின் முக்கியத்துவத்தை டைரக்டர் விளக்கினார். இதனால் என்ன நினைத்தாரோ தெரியவில்லை, சிகரெட் பிடிக்கும் காட்சியில் நடிக்க வேண்டுமானால் கூடுதல் சம்பளம் தர வேண்டும் என்று முமைத்கான் கேட்டுள்ளார்.

படக்குழுவும் கூடுதல் சம்பளம் தர சம்மதித்தைத் தொடர்ந்து முமைத்கான் சிகரெட் பிடிப்பது போன்ற காட்சி படமாக்கப்பட்டதாம். ஆனால் முமைத்கானின் சி‌கரெட் காட்சிக்கு சென்சார்போர்டு தடை விதித்து விட்டது என்பது கூடுதல் தகவல்.

மீண்டும் விஜய்க்கு ‌ஜோடியானார் ‌ஜெனிலியா!

2010-06-18T07:20:00.001-07:00

சச்சின் படத்துக்கு பிறகு நடிகர் விஜய்யும், ஜெனிலியாவும் மீண்டும் ஜோடி சேருகிறார்கள். அடுத்தடுத்து தோல்விப்படங்களை கொடுத்து வரும் விஜய் தற்போது காவல்காரன் படத்தில் நடித்து வருகிறார். இப்படத்தில் விஜய்க்கு ஜோடியாக அசின் நடிக்கிறார். இந்த படத்தை தொடர்ந்து விஜய் நடிக்கவிருக்கும் புதிய படம் வேலாயுதம்.

ஜெயம் ராஜா இயக்கத்தில் உருவாகும் இப்படத்தில் விஜய்க்கு ‌ஜோடியாக ஜெனிலியா நடிக்கிறார். சச்சின் படத்திற்கு பிறகு விஜய் - ஜெனிலியா மீண்டும் ஜோடி சேரும் இப்படம் கண்டிப்பாக வெற்றி பெறும் என்று நம்பிக்கை தெரிவிக்கிறார் ஜெயம் ராஜா. படத்தின் இன்னொரு ஹைலைட் விஜய்க்கு தங்கையாக நடிக்க நடிகை சரண்யா மோகன் ஒப்புக் கொண்டுள்ளார்.

இதுபற்றி அவர் கூறுகையில், "விஜய்க்கு தங்கையாக நடிப்பதில் பெருமைதான். எனது வேடம் சிறப்பாக உள்ளது. விஜய்யுடன் நடிக்கும் போது கிடைக்கும் புகழும் ரீச்சும் என்னவென்பது புரிகிறது. அதனால்தான் மறுபேச்சின்றி ஒப்புக் கொண்டேன்" என்றார்.

சினிமாவை விட்டு விலகல்! மணிரத்னம் பரபரப்பு பேட்டி!!

2010-06-18T07:14:00.000-07:00

சினிமாவை விட்டு விலகி கொடைக்கானலில் தங்கி கோல்ப் விளையாட விரும்புவதாக டைரக்டர் மணிரத்னம் கூறியுள்ளார். நாயகன், அக்னி நட்சத்திரம், அஞ்சலி, தளபதி, ரோஜா, திருடா திருடா, பம்பாய், அலைபாயுதே, கன்னத்தில் முத்தமிட்டால் உள்ளிட்ட ஏராளமான ஹிட் படங்களை இயக்கியவர் டைரக்டர் மணிரத்னம். இவரது இயக்கத்தில் தமிழ், தெலுங்கு, இந்தியில் ராவணன் படம் ரீலிஸ் ஆகியிருக்கிறது. படத்தின் முதல் மூன்று நாட்கள் தியேட்டர்களில் டிக்கெட்டுகள் அனைத்தும் புக் ஆகிவிட்ட நிலையில் நான்காவது நாள் ரிசல்ட் எப்படி இருக்கும் என்று பலரும் எதிர்பார்த்து வருகிறார்கள்.

இந்நிலையில் மணிரத்னம் அளித்துள்ள பேட்டி அவரது ரசிகர்கள் மத்தியில் பரபரப்பை ஏற்படுத்தியுள்ளது. ராவணன் படத்தை ஆரம்பிக்கும் போதே, இதுதான் எனது கடைசி படம் என முடிவு செய்து கொண்டேன். இந்தப் படத்துக்குப் பிறகு சினிமாவிலிருந்து விலகி, கொடைக்கானலில் செட்டிலாகும் எண்ணம் இருக்கிறது. அங்கே தினமும் கோல்ப் விளையாட ஆசை எனக்கு. இப்போது அடுத்த படம் என்ன என்ன? என்று எல்லோரும் என்னைக் கேட்கிறார்கள். எனக்கும் இன்னுமொரு படம் மட்டும் பண்ணலாம் என்றுதான் தோன்றுகிறது. பார்க்கலாம். ஆனால் அடுத்த படத்துக்கான ஐடியா எதுவும் என்னிடம் இல்லை. ராவணன் படத்துக்கு பெரிய எதிர்ப்பார்ப்பு உள்ளது. ஆனால் அது படத்தைப் பாதிக்காது என்றுதான் நம்புகிறேன், என்று மணிரத்னம் தனது ‌பேட்டியில் கூறியுள்ளார்.

ஹிட் படங்கள் மூலம் தனக்கென தனி ரசிகர் பட்டாளத்தை உருவாக்கி வைத்திருக்கும் டைரக்டர் மணிரத்னம் சினிமாவை விட்டு விலகக் கூடாது. தொடர்ந்து ஆண்டுக்கு ஒரு படமாவது இயக்க வேண்டும் என்று அவரது ரசிகர்கள் எதிர்பார்க்கிறார்கள்.

திருமணத்துக்காக கோயில் கோயிலாக சுற்றும் சங்கவி!

2010-06-14T00:20:00.000-07:00

நடிகை சங்கவி திருமண வரம் வேண்டி கோயில்கோயிலாக சுற்றி வருகிறார். இவர் சினிமாவில் நடிக்க ஆரம்பித்து 15 வருடங்கள் ஆகி விட்டன. சங்கவியுடன் பீல்டுக்குள் நுழைந்த மீனா, ரம்பா உள்ளிட்டவர்களுக்கு திருமணம் ஆகிவிட்ட நிலையில், இவருக்கும் திருமணம் செய்து வைக்க பெற்றோர் முடிவு செய்துள்ளனர். இதற்காக மாப்பிள்ளை வேட்டையில் அவர்கள் இறங்கியிருக்கிறார்கள்.

இதற்கிடையில் தனக்கு பொருத்தமானவராக, தன்னை புரிந்து கொள்பவராக மாப்பிள்ளை இருக்க வேண்டும் என விரும்பும் சங்கவி, இதற்காக கோயில் கோயிலாக சுற்றி வருகிறாராம். சமீபத்தில் மாமல்லபுரம் திருவிட‌ந்தை கல்யாண பெருமாள் கோயிலுக்கு சென்ற சங்கவி, நல்ல மாப்பிள்ளைக்காகத்தான் இவ்வளவு நாள் வெயிட்டிங்.

என்னோட நடிக்க வந்த எல்லா ஹீரோயின்களுக்கும் கல்யாணம் ஆயிடுச்சி. பொருத்தமானவர் கிடைத்தால் உடனே பங்ஷன்தான், என்றார். திருவிடந்தை கல்யாணபெருமாளை தரிசித்ததன் பலனாகத்தான் மீனா, ரம்பா, வையாபுரி உள்ளிட்ட சில சினிமா பிரபலங்களுக்கு திருமணம் நடந்ததாம். அதையும் அம்மணியே சொல்கிறார்

கவர்ச்சி நடிகை முமைத்கான் கதாநாயகி ஆனார்!

2010-06-14T00:17:00.000-07:00

முமைத்கான் கதாநாயகியாக நடிக்க, தமிழ் - தெலுங்கு - இந்தி என பல மொழிகளில் தயாராகி ஒரே நாளில் அத்தனை மொழிகளிலும் வெளியாகவிருக்கும் படம் லவ் டாட் காம். இப்படத்தில் ‌பாரில் நடனமாடும் செக்ஸி டான்சராக நடிக்கும் முமைத்கானுக்கு ஜோடி மிக்கா.

பணத்துக்காக கொலை செய்யும் வாடகை கொலையாளியாக நடிக்கும் ஹீரோ மிக்கா, பிரபல பஞ்சாபி பாடகர் தலர் மெகந்தியின் தம்பி என்பது குறிப்பிடத்தக்கது.

மிக்கா - முமைத்கான் ஜோடியின் லவ்.காம் படத்தை உதமம் பிக்சர் பட நிறுவனம் மிக பிரமாண்டமாக தயாரிக்கிறது. இசை பின்னணியில் நிகழும் பரபரப்பான ஆக்ஷன் கதையை உள்ளடக்கிய இப்படத்தை வினோத்முகி எனும் புதியவர் கதை, திரைக்கதை எழுதி இயக்கி வருகிறார்.

இசை- பப்பிலஹரி, வசனம் - ரமேஷ் என திறமையான கூட்டணி இணைந்திருக்கும் இப்படத்தில் முமைத்கான் இதுவரை இல்லாத அளவு படு கவர்சசியாக நடித்திருப்பது சிறப்பம்சமாகும்

சூட்டிங்கில் விபத்து! நடிகை அஞ்சலி கை முறிந்தது!!

2010-06-14T00:15:00.000-07:00

சினிமா சூட்டிங்கில் ஏற்பட்ட விபத்தில் நடிகை அஞ்சலியின் கை எலும்பு முறிந்தது. கற்றது தமிழ் படத்தின் மூலம் தமிழ் ரசிகர்களுக்க அறிமுகமானவர் நடிகை அஞ்சலி. அந்த படம் எதிர்பார்த்த அளவு வெற்றிபெறாவிட்டாலும் அஞ்சியின் மவுசு மட்டும் கூடியது.

அங்காடித்‌தெரு படத்தில் நடித்ததன் மூலம் தமிழகத்தின் பட்டிதொட்டியெங்கும் பிரபலமாகி விட்டார் அஞ்சலி. கனி என்ற கிராமத்து பெண் கேரக்டரால் ஆண்கள் மட்டுமல்ல... பெண்களையும் கவர்ந்த அஞ்சலி, இப்போது மகாராஜா, தம்‌பி வெட்டோத்தி சுந்தரம் உள்ளிட்ட பல படங்களில் நடித்து வருகிறார்.

மகாராஜா படத்தின் இறுதிகட்ட சூட்டிங் சென்னையில் நடந்தது. இதில் நடிகை அஞ்சலி கலந்து கொண்டு ஸ்கூட்டி ஓட்டும் காட்சியில் நடித்தார். அப்போது எதிர்பாராதவிதமாக ஸ்கூட்டியில் இருந்து கீழே விழுந்த அஞ்சலிக்கு பலத்த காயம் ஏற்பட்டது. வலியால் அலறித் துடித்த அஞ்சலியை அருகில் உள்ள மருத்துவமனைக்கு அழைத்து சென்றனர். அங்கு அஞ்சலியை பரிசோதித்த டாக்டர்கள் கை எலும்பில் முறிவு ஏற்பட்டிருப்பதை கண்டுபிடித்தனர். இதையடுத்து கைக்கு கட்டு போடப்பட்டது. தற்போது அஞ்சலி 15 நாள் ஓய்வில் இருக்கிறார்

இழுத்தடிக்கும் நாயகியால் தள்ளிப்போகும் சிங்கம்புலி!

2010-06-14T00:12:00.000-07:00

படத்தின் நாயகி திவ்யா ஸ்பந்தனாவின் கால்ஷீட் சொதப்பலால் சிங்கம்புலி படம் தள்ளிப்போகிறது. நடிகர் ஜீவா முதன்முறையாக இரட்டை வேடங்களில் நடிக்கும் படம் சிங்கம்புலி.

இப்படத்தில் மீன் வெட்டுபவராகவும், வக்கீலாகவும் ஜீவா நடிக்கிறார். இரண்டு ஹீரோ என்றால் இரண்டு ஹீரோயின் இருக்க வேண்டுமே? ஒருவர் திவ்யா ஸ்பந்தனா. இன்னொருவர் ஹனிரோஸ்.

இவர்களில் திவ்யா ஸ்பந்தனாவால்தான் சிங்கம்புலி தியேட்டருக்கு வருவது தடைபட்டு வருகிறதாம். எப்போதும் சண்டை படங்களில் நடிப்பதையே விரும்பும் திவ்யா ஸ்பந்தனா அலைஸ் திவ்யா தொடர்ந்து கால்ஷீட் சொதப்பல் செய்து வருகிறார். இதனால் படப்பிடிப்பு இழுத்துக் கொண்டே போகிறது என்று புலம்புகிறது சிங்கம்புலி வட்டாரம்.

நாய்களை விலைக்கு வாங்காதீர்! த்ரிஷா அட்வைஸ்!!

2010-06-13T09:04:00.000-07:00

இந்திய நாய்களை தத்தெடுங்கள்! நாய்களை விலைக்கு வாங்காதீர்கள்!! என்பன போன்ற கோஷங்களுடன் விலங்குகள் நல அமைப்பு சார்பாக பிரசாரத்தில் இறங்கியிருக்கிறார் நடிகை த்ரிஷா. சர்வதேச அளவில் புகழ்பெற்ற விலங்குகள் நல பாதுகாப்பு அமைப்பான பெடாவின் விளம்பரத்தில் தோன்றவிருக்கும் த்ரிஷா, சமீபத்தில்தான் பெடா அமைப்பில் சேர்ந்துள்ளார். த்ரிஷாவுக்கு இயற்கையாகவே விலங்குகள் மீது அலாதி பிரியமாம். குறிப்பாக நாய்கள் மீது மிகுந்த அன்பு காட்டுவார். செல்ல நாய் ஒன்றையும் வீட்டில் வளர்த்து வருகிறார்.

த்ரிஷாவின் விலங்கின பாசம் குறித்து அறிந்த பெடா அமைப்பினர் அவரை அணுகி விளம்பர தூதுவராக சம்மதம் கேட்டுள்ளனர். அவரும் உடனே ஒப்புக் கொண்டாராம். அதோடு கையில் நாய்க்குட்டியுடன் தோன்றுவது போல் போஸ் கொடுத்து மிருக வதைக்கு எதிராக பிரசாரம் செய்ய உள்ளார் த்ரிஷா. நாய்களை விலைக்கு வாங்காதீர்கள். இந்திய நாய்களை தத்தெடுங்கள் என்பன போன்ற கோஷங்களும் த்ரிஷாவின் பிரசாரத்தில் இடம்பெறவிருக்கின்றன.

இதுகுறித்து த்ரிஷா கூறுகையில், "எனக்கு மிருகங்கள் மீது கொள்ளை பிரியம். சில வருடங்களுக்கு முன்பு தெலுங்கு படப்பிடிப்புக்காக ஹைதராபாத் சென்றிருந்தேன். நான் தங்கி இந்த ஓட்டலுக்கு காரை ஓட்டி போய்க்கொண்டு இருந்தேன். அப்போது ரோட்டில் ஒரு நாய்குட்டி ஏதோ ஒரு வண்டியில் அடிபட்டு உயிருக்கு போராடிக் கொண்டு இருந்தது. உடனடியாக காரை நிறுத்தி நாய்க்குட்டியை எடுத்து புளூகிராஸ் அமைப்புக்கு கொண்டு போனேன். அங்கு முதலுதவி சிகிச்சை அளிக்கப்பட்டது.

நாய் குட்டியை பிரிய மனமின்றி சென்னைக்கு எடுத்து வந்து விட்டேன். தற்போது அது என் வீட்டில் வளர்கிறது. ஆறு வயது ஆகியுள்ளது. இந்த விஷயத்தை கேள்விப்பட்டு ஒருவேளை 'பெடா' அமைப்பினர் என்னை அணுகியிருக்கலாம். ஆனால் அந்த வாய்ப்பை நான் முழுமனதோடு ஏற்றுக் கொண்டேன்" என்றார்.

அனுஷ்கா ஜெனிலியாவுக்கு நடிகர் சங்கம் கெடு

2010-06-13T09:00:00.000-07:00

அனுஷ்கா, ஜெனிலியா உள்ளிட்ட வட இந்திய நடிகைகளுக்கு நடிகர் சங்கம் கெடு விதித்துள்ளது. நடிகர் சங்கத்தில் உறுப்பினர் ஆகாவிட்டால் ஒத்துழைப்பு கொடுக்க மாட்‌டாம் என்று நடிகர் சங்கம் கூறியுள்ளது. தமிழ்சினிமாவுக்குள் நுழைந்து குறுகிய காலத்தில் சம்பாதிக்கும் நடிகைகள் பலர் தென்னிந்திய நடிகர் சங்கத்தில் உறுப்பினர் ஆகாமல் இருக்கிறார்கள்.

அவர்களையெல்லாம் உறுப்பினர் ஆகும்படி வற்புறுத்தி வருகிறது நடிகர் சங்கம். உறுப்பினர் ஆகாத நடிகைகள் உடனடியாக நடிகர் சங்கத்தில் உறுப்பினர் ஆகவேண்டும். அப்படி ஆகவில்லையென்றால், அந்த நடிகைகளுடன் மற்ற நடிகர்-நடிகைகள் இணைந்து நடிக்க மாட்டார்கள் என்று `கிடுக்கிப்பிடி' போட்டு இருக்கிறது.

இதுதொடர்பாக, நடிகர் சங்கத்தில் உறுப்பினர் ஆகாத நடிகைகளை வைத்து படம் தயாரித்துக்கொண்டிருக்கும் சில பட அதிபர்களுக்கு, நடிகர் சங்க தலைவர் சரத்குமார், பொதுச்செயலாளர் ராதாரவி ஆகிய இருவரும் கடிதம் அனுப்பி இருக்கிறார்கள். சம்பந்தப்பட்ட நடிகைகளை உடனடியாக உறுப்பினர் ஆக சொல்லுங்கள். அல்லது அவர்களுக்கான உறுப்பினர் கட்டணத்தை நீங்களே கட்டிவிடுங்கள் என்று கேட்டுக்கொண்டிருக்கிறார்கள்.

பாய்ஸ், சச்சின், சந்தோஷ் சுப்பிரமணியம் ஆகிய படங்களில் நடித்த ஜெனிலியா, இப்போது தனுஷ் ஜோடியாக `உத்தமபுத்திரன்' படத்தில் நடித்துக்கொண்டிருக்கிறார். இவர், நடிகர் சங்கத்தில் உறுப்பினர் ஆகாமல், நீண்டகாலமாக சாக்குப்போக்கு சொல்லி வந்தார். நடிகர் சங்க நிர்வாகிகள் சிலர், நேற்று ஜெனிலியா நடித்துக்கொண்டிருந்த `உத்தமபுத்திரன்' படப்பிடிப்புக்கு திடீர் என்று சென்றார்கள். நடிகர் சங்கத்தில் உறுப்பினர் ஆகாததால், ஜெனிலியா இந்த படத்தில் நடிக்கக்கூடாது.

அவருடன் சக நடிகர்-நடிகைகள் யாரும் நடிக்க மாட்டார்கள் என்று கூறி, படப்பிடிப்பை நிறுத்தினார்கள். உடனே ஜெனிலியா நடிகர் சங்க நிர்வாகிகளிடம் சமாதானத்துக்கு வந்தார். உடனடியாக நடிகர் சங்கத்தில் உறுப்பினர் ஆகிவிடுவதாக வாக்குறுதி அளித்ததன் பேரில், நடிகர் சங்க நிர்வாகிகள் அங்கிருந்து புறப்பட்டு சென்றார்கள்.

இதேபோல் தென்னிந்திய நடிகர் சங்கத்தில் உறுப்பினர் ஆகாத நடிகைகள் அனுஷ்கா, சமீராரெட்டி, திவ்யாஸ் பந்தனாஸ் (குத்து ரம்யா), காஜல் அகர்வால், ஹன்சிகா மோத்வானி ஆகியோருக்கும் நடிகர் சங்கம் கெடு விதித்து கடிதம் அனுப்பி இருக்கிறது. `தென்னிந்திய நடிகர் சங்கத்தில் நீங்கள் உறுப்பினர் ஆகாவிட்டால், உங்களுடன் மற்ற நடிகர் - நடிகைகள் நடிக்க மாட்டார்கள்' என்ற எச்சரிக்கையுடன் அந்த கடிதம் அனுப்பப்பட்டு இருக்கிறதாம்!

சினிமாவில் ஏமாற்றுபவர்கள் இருக்கிறார்கள்! தங்கர்பச்சான் பளீச் பேச்சு!!

2010-06-13T08:55:00.000-07:00

சினிமாவில் ஏமாற்றுபவர்கள் இருக்கிறார்கள் என்று டைரக்டர் தங்கர்பச்சான் பேசி பரபரப்பை ஏற்படுத்தியுள்ளார். புதுமுகங்கள் ஹரிஸ் கல்யாண் - உத்ரா ஜோடியாக நடிக்க, டைரக்டர் ஷங்கரிடம் உதவி டைரக்டராக இருந்த கே.ஆர்.மதிவாணன் இயக்கியிருக்கும் படம், அரிது அரிது. இப்படத்தின் பாடல் வெளியீட்டு விழா சென்னையில் நடந்தது. இதில் டைரக்டர் ஷங்கர் கலந்து கொண்டு பாடல்களை வெளியிட்டார். நிகழ்ச்சியில் டைரக்டர் தங்கர்பச்சார் ‌கலந்து கொண்டு பேசியதாவது:-

சினிமாவில் தயாரிப்பாளர்கள் இல்லையென்றால், யாருக்கும் வேலை இருக்காது. ஆனால் அந்த தயாரிப்பாளர்களின் நிலைமை பரிதாபத்துக்குரியதாக இருக்கிறது. படம் தயாரிக்கும் தயாரிப்பாளர்களில், 99 சதவீதம் பேர் கடனிலும், கஷ்டத்திலும் மாட்டிக்கொள்கிறார்கள். ஒரு சதவீதம் பேர்தான் தப்பி வருகிறார்கள். தயாரிப்பாளர்கள் அப்படியேதான் இருக்கிறார்கள். அவர்கள் அறிமுகம் செய்தவர்கள் படத்துக்கு படம் அதிக ஊதியமும், பெயரும், புகழும் வாங்கிக்கொண்டே போகிறார்கள். எந்தவித திட்டமிடுதலும் இல்லாமல் சிலர் படம் தயாரிக்க வந்துவிடுகிறார்கள். எனவே தயாரிப்பாளர்களுக்கு, `கவுன்சிலிங்' வேண்டும். அதற்கு தயாரிப்பாளர்கள் சங்கம் ஏற்பாடு செய்யவேண்டும். ``இங்கே ஏமாற்றுபவர்கள் இருக்கிறார்கள்'' என்று படம் தொடங்குவதற்கு முன்பே தயாரிப்பாளர்களுக்கு எச்சரிக்கை செய்யவேண்டும். ரொம்ப கடுமையாக உழைப்பவர்கள் எல்லாம் சினிமாவில் எடுபட மாட்டார்கள். நிறைய வியர்வை சிந்தி உழைத்தவர்கள் எல்லாம் சினிமாவில் காணாமல் போயிருக்கிறார்கள்.

கலைக்குள் அரசியல் நுழைந்ததால், சினிமா குளறுபடியாகி விட்டது. சிக்கல்களையும், சீரழிவுகளையும் சந்தித்து வருகிறோம். வெளியில் சொல்ல முடியாமல், நிறைய தயாரிப்பாளர்கள் தவித்துக்கொண்டிருக்கிறார்கள் என்பது வருத்தத்துக்குரிய செய்தி. எல்லா படங்களுக்கும் தியேட்டர்களில் ஒரே கட்டணம் வசூலிப்பதால், யாரும் தியேட்டர்களுக்கு வருவதில்லை. இதற்கு யாரையும் குறை சொல்லக்கூடாது. குற்றவாளிகள் நாம்தான். தியேட்டர்களில் கட்டணத்தை குறைக்காத வரை சினிமா முன்னேறாது. ரூ.50 கோடியில் தயாராகும் படத்துக்கும் அதே கட்டணம். ஒரு கோடியில் தயாராகும் படத்துக்கும் அதே கட்டணம் என்றால், எப்படி தியேட்டர்களுக்கு வருவார்கள்? இந்த நிலை மாற, நடிகர்கள் முகத்தில் பணம் கட்டுவதை குறைக்க வேண்டும். படைப்பாளிகளின் கையில் திரைப்பட துறை வரவேண்டும்.

இவ்வாறு தங்கர்பச்சான் பேசினார்.

தங்கர்பச்சானின் இந்த ஆவேச பேச்சுக்கு, தமிழ் திரைப்பட தயாரிப்பாளர்கள் சங்க செயலாளர் சிவசக்தி பாண்டியன் அதே மேடையிலேயே கண்டனம் தெரிவித்தார். அவர் பேசுகையில், `சினிமாவில் ஜெயித்தவர்கள் தொடர்ந்து ஜெயிப்பதற்கு போராடுகிறார்கள். இதில், உங்களை மாதிரி ஆட்கள், என்னை மாதிரி ஆட்கள் வழிவிட தயாராக இருக்கிறோமா? தங்கர்பச்சான், தயாரிப்பாளர்கள் சங்கத்துக்கு வருவதே இல்லை. அங்கு வராமல், தயாரிப்பாளர்கள் சங்கத்தில் என்ன நடக்கிறது? என்பது தெரியாமல் பேசக்கூடாது.'' என்றார்.

அடுத்து பேசவந்த தயாரிப்பாளர்கள் சங்க தலைவர் ராம.நாராயணன், இரண்டு பேரையும் சமாதானம் செய்வது போல் பேசினார். `இந்த விழா மேடை, கருத்தரங்க மேடையாகி விட்டது. தயாரிப்பாளர்களின் நலனுக்காக, தமிழ் திரைப்பட தயாரிப்பாளர்கள் சங்கம் போராடி வருகிறது. எத்தனையோ பிரச்சினைகளை தயாரிப்பாளர்கள் சங்கம் தீர்த்து வைத்து இருக்கிறது. தொடர்ந்து தயாரிப்பாளர்களின் நலனுக்காக, தமிழ் திரைப்பட தயாரிப்பாளர்கள் சங்கம் தொடர்ந்து பாடுபடும்'' என்று அவர் கூறினார்.

இழுபறியில் அஜித்தின் துப்பறியும் ஆனந்த்!

2010-06-13T08:45:00.000-07:00

அஜித் நடிக்கவிருக்கும் அடுத்த படமான துப்பறியும் ஆனந்த் படம் இழுபறியில் இருப்பதாக தகவல்கள் வெளியாகியுள்ளன. தயாநிதி அழகிரி தயாரிப்பில், டைரக்டர் கவுதம் மேனன் இயக்கத்தில் உருவாகவிருக்கும் புதிய படத்தில் நடிகர் அஜித் நடிக்கவுள்ளார்.

இப்படத்திற்கு துப்பறியும் ஆனந்த் என ‌பெயர் சூட்டிய கவுதம்மேனன், இன்னமும் அடுத்தகட்ட வேலைகளில் இறங்கவில்லையாம். ‌போட்டது போட்ட மாதிரியே கிட்டபதற்கு காரணம் என்னவென்று விசாரித்தால், அஜித்தின் அயல்நாட்டு பயணம் என்கிறது விவரமறிந்த வட்டார தகவல்.

பார்மூலா கார் பந்தயங்களை அயல்நாடுகளில் முடித்துக் கொண்டு அஜித் திரும்பி வர ஐந்தாறு மாதங்கள் ஆகலாம் என்பதால் நாயகி, தொழில்நுட்ப கலைஞர்கள் உள்ளிட்ட இன்னும் பல விஷயங்கள் முடிவாகாமலேயே இழுத்தடித்துக் கொண்டிருக்கிறதாம்.

அதேநேரம் கவுதம்மேனனும், தயாநிதி அழகிரியும் வெவ்வேறு பட வேலைகளில் பிஸியாகி விட்டனர்.

சீமானை சீற வைத்த ராம ராவணன்

2010-06-10T21:20:00.001-07:00

அரசியல் படமெடுப்பதில் மலையாளிகள் கில்லாடிகள். அதிலும் தமிழர்களை சீண்டுவதென்றால் அவர்களுக்கு அல்வா மாதி‌ரி. ஆனால் இந்தமுறை அவர்கள் கை வைத்தது தேன் கூட்டில் அல்ல, புலிக் கூட்டத்தில்.

சுரேஷ்கோபி நடிப்பில் ராம ராவணன் என்ற படம் வெளியாகவுள்ளது. இதன் சிறப்பு காட்சி சென்னை ஃபோர் பிரேம் திரையரங்கில் திரையிடப்பட்டது. ஈழப் போராளி ஒருவர் தப்பித்து இந்தியா வருவது போலவும், போராளிகளால் பெற்றோர்களை இழந்த சிங்கள பெண் ஒருத்தி அவரை காதலிப்பதாகவும் கதை அமைத்திருக்கிறார்கள்.

சிங்களப் பெண்ணின் காதலை மறுத்து இலங்கை செல்லும் போராளி மீண்டும் திரும்பி வருகிறார். அப்போது அவர் தனது தாயை காணச் செல்கிறார். அங்கு அந்த சிங்களப் பெண் தனது தாயை பராம‌ரித்து வருவதைக் கண்டு அதிர்ச்சி அடைகிறார் ஈழப் போராளி.

காவல்துறை போராளியை சுற்றி வளைக்கிறது. சிங்களப் பெண் அவரை காப்பாற்ற முயற்சிக்கிறார். ஆனால் ஈழப் போராளிகளே அவரை சுட்டுக் கொல்கிறார்கள்.

சிங்களவர்கள் நல்லவர்கள், தமிழ் மக்கள் மேல் பாசமிக்கவர்கள், போராளிகள்தான் பயங்கரவாதிகள், தங்கள் ஆட்களையே சுட்டுக் கொல்கிறவர்கள் என்று இஷ்டத்துக்கு எடுத்துவிட்டிருக்கிறார் படத்தை இயக்கியிருப்பவர். படத்தின் கதையை கேட்டு கொந்தளித்த சீமான் உடனடியாக அறிக்கை ஒன்றை வெளியிட்டுள்ளார்.

ஈழப் போராட்டத்தின் அடியும் முடியும் தெ‌ரியாமல் எடுத்திருக்கும் இந்தப் படத்தை தமிழகத்தில் வெளியிடக் கூடாது. மீறி வெளியிட்டால் தமிழர்கள் வாழும் அனைத்துப் பகுதிகளிலும் எதிர்ப்பை சந்திக்க நே‌ரிடும் என்று அறிக்கையில் அவர் எச்ச‌ரித்துள்ளார்.

ராம ராவணன்களின் சிருஷ்டிகள் எச்ச‌ரிக்கையாக இருப்பது நல்லது

கற்றது களவு விமர்சனம்

2010-06-10T21:14:00.000-07:00

கண்ணுக்கு கண் மாதி‌ரி களவுக்கு களவு. ஏமாற்றப்பட்ட ஒருவன் இந்த சமூகத்தை ஏமாற்றத் துணிவதுதான் கதை. இந்த ஒன் லைனுக்குள் சுவாரஸியம் எனும் ஏர் ஜெட் என்‌ஜினை வைக்க முயன்றிருக்கிறார் இயக்குனர். முதலில் ஜோராக ஓடும் என்‌ஜின் பல இடங்களில் உதறுகிறது.

ராமேஸ்வரத்தில் மாலை மாற்றிக் கொள்ளும் கிருஷ்ணா, விஜயலட்சுமி ஜோடியை டெல்லி போலீஸ் துரத்துகிறது. உயிரை கையில் பிடித்து ஓடும் அவர்களை காப்பாற்றுகிறார் சம்பத். அவர் யார் என்றால் உள்ளூர் போலீஸ். அட, நல்லாயிருக்கே என்று நிமிர்ந்து உட்காரும் போது கட் பண்ணி பிளாஷ்பேக்குக்கு போகிறார்கள்.

மாணவர் வங்கி என்று ஒரு புதிய திட்டத்தை கண்டுபிடிக்கிறார் கிருஷ்ணா. இதனை அவர் வங்கி அதிகா‌ரி சந்தான பாரதியிடம் சொல்ல, அவரோ அது தனது திட்டம் போல் அறிவித்து பணத்தையும் புகழையும் சுருட்டுகிறார். நியாயம் கேட்கும் கிருஷ்ணாவுக்கு கிடைப்பது நித்திய அடி.

விமானப் பணிப் பெண்ணாகும் கனவு கைகூடாமல் வீட்டை விட்டு வெளியேறும் விஜயலட்சுமியுடன் கூட்டணி வைக்கும் கிருஷ்ணா பிறகு ஒவ்வொருவராக ஏமாற்றத் தொடங்குகிறார். அவர்களின் அஜென்டாவுக்குள் எதிர்பாராமல் மத்திய மந்தி‌ரியும் சிக்குகிறார். மந்தி‌ரி இந்த ஜோடியை கொல்ல ஆட்களை அனுப்புகிறார். ஜோடி தப்பித்ததா என்பது கிளைமாக்ஸ்.

முதல் படத்திலிருந்து ரொம்பவே மெருகேறியிருக்கிறார் கிருஷ்ணா. ஏமாறுவதும் ஏமாற்றுவதுமான கேரக்டர் அவருக்கு இயல்பாகவே பொருந்துகிறது. விஜயலட்சுமிதான் பாவம். உடம்பைப் போலவே ரொம்ப மெலிந்த நடிப்பு. நவரசம் தாண்டவமாட வேண்டிய இடங்களில் பல ரசங்கள் மிஸ்ஸிங்.

கிருஷ்ணா ஏமாற்றும் இடங்கள் எல்லாம் படு அமெச்சூர். இன்னும் நன்றாக கற்பனைக்கு சிறகு வி‌ரித்திருக்கலாம். சின்னி ஜெயந்தை ஏமாற்றுவதும், மத்திய மந்தி‌ரியின் படுக்கை அறை வரை போவதும் டூ மச். டெல்லி போலீஸ் அதிகா‌ரி கல்யாண், உள்ளூர் போலீஸ் அதிகா‌ரி சம்பத் இருவரும் நிறைவாக செய்திருக்கிறார்கள். பால்ஜே-யின் பின்னணி இசையும் பாடல்களும் சுமார். படத்தின் மிகப் பெ‌ரிய பிளஸ் நீரவ் ஷாவின் கேமரா. ராமேஸ்வரம் காட்சிகளில் கேமரா விளையாடுகிறது.

லா‌ஜிக் ஓட்டைகளை அடைத்து ரசிகர்களை ஏமாற்றாமலிருந்திருந்தால் அறிமுக இயக்குனரை பாராட்டியிருக்கலாம்.

ர‌ஜினியின் அடுத்தப்பட தயா‌ரிப்பாளர்

2010-06-10T21:11:00.001-07:00

எந்திரனுக்குப் பிறகும் தொடர்ந்து நடிக்க முடிவு செய்திருக்கிறார் ர‌ஜினிகாந்த். மற்ற நடிகர்களுக்கு படத்தின் கதை மற்றும் இயக்குனரை தேர்வு செய்வதுதான் கடினம். ஆனால் ர‌ஜினிக்கு தயா‌ரிப்பாளர்களை தேர்வு செய்யும் கூடுதல் பொறுப்பும் இருக்கிறது.

ர‌ஜினி தனது அடுத்தப் படத்தை நண்பர்களுடன் சேர்ந்து தனியாக தயா‌ரிக்கிறார் என்று பலமான பேச்சு இருந்தது. ஆனால் புதிதாக ஒரு போட்டி இப்போது முளைத்திருக்கிறது. அவர் சத்யா மூவிஸ் ஆர்.எம்.வீரப்பன்.

ஆர்.எம்.வி. இல்லத் திருமணத்தில் கலந்து கொண்ட ர‌ஜினி, என்னால் பலர் லாபம் அடைந்திருக்கிறார்கள், நஷ்டமடைந்தவர் ஆர்.எம்.வி. மட்டும்தான் என்று பேசினார். இவர்கள் இணைந்து உருவாக்கிய பாட்ஷா ச‌ரித்திர சாதனை பு‌ரிந்தது அனைவருக்கும் தெ‌ரியும்.

ர‌ஜினியின் திருமண பேச்சைத் தொடர்ந்து சத்யா மூவிஸ் சுறுசுறுப்படைந்திருக்கிறது. ர‌ஜினிக்காக கதை தயார் செய்யும் வேலை முடுக்கிவிடப்பட்டுள்ளதாக தகவல்கள் தெ‌ரிவிக்கின்றன. இந்த சூழல் மாற்றங்களை எல்லாம் வைத்து ர‌ஜினி படத்தின் அடுத்த தயா‌ரிப்பாளர் ஆர்.எம்.வி.தான் என்கிறார்கள் கோடம்பாக்கத்தில். பொறுத்திருந்து பார்ப்போம்.

ராவணன் - சென்னையில் 16 திரையரங்குகள்

2010-06-10T21:05:00.000-07:00

வரும் 18ஆம் தேதி ராவணன் வெளியாகிறது. படம் குறித்து இதுவரை மணிரத்னம் வாய் திறக்கவில்லை. அதனால் என்ன... ரசிகர்கள் அனைவரும் ராவணன் பற்றிதான் பேசிக் கொண்டிருக்கிறார்கள்.

மணிரத்னம், விக்ரம், ஐஸ்வர்யா ராய், ஏ.ஆர்.ரஹ்மான், சந்தோஷ்சிவன் என்று படம் முழுக்க பிரபலங்கள் என்பதால் ராவணன் மீதான எதிர்பார்ப்பு விண்ணை‌த் தொட்டிருக்கிறது.

இதுவரை வெளியான தமிழ்ப் படங்கள் அனைத்தையும் விட ராவணனுக்கு அதிக பி‌ரிண்‌ட்டுகள் போடப்படுவதாக தகவல்கள் தெ‌ரிவிக்கின்றன. சென்னையில் மட்டும் 16 திரையரங்குகளில் படம் வெளியாகிறது. புறநகரையும் சேர்த்தால் எண்ணிக்கை இருபத்தைந்தை தொடும்.

18ஆம் தேதி தமிழில் மட்டுமின்றி தெலுங்கு, இந்தியிலும் ராவணன் வெளியாகிறது. மொத்தமாக ஆயிரம் பி‌ரிண்‌ட்டுகளை தாண்டும் என்கிறார்கள். யுகே, யுஎஸ்ஏ, ஆஸ்திரேலியா ஆகிய நாடுகளிலும் படம் வெளியாகிறது.

இதில் யுகே, யுஎஸ்ஏ இரண்டிலும் தமிழ், தெலுங்கு, இந்தி ஆகிய மூன்று பதிப்புகளும் வெளியாகின்றன.

பஞ்சாயத்துக்கு வந்த விஜய்

2010-06-10T21:02:00.000-07:00

விஜய் படங்களால் பல கோடி நஷ்டம், விஜய் நஷ்டஈடு தந்தாக வேண்டும் என்று திரையரங்கு உ‌ரிமையாளர்கள் கொளுத்திப் போட்ட தி‌ரி இன்னும் புகைந்து கொண்டுதான் இருக்கிறது. இதனை அணைக்க நடிகர் சங்கத்தில் பரஸ்பர மீட்டிங் ஒன்றிற்கு சங்கத் தலைவர் சரத்குமார் ஏற்பாடு செய்திருந்தார்.

விஜய் சார்பில் அவரும் அவரது தந்தையும் கலந்து கொண்டனர். திரையரங்கு உ‌ரிமையாளர்கள் பன்னீர்செல்வம் தலைமையில் கலந்து கொண்டனர்.

இந்த‌க் கூட்டத்தில் சில முக்கிய தீர்மானங்கள் எடுக்கப்பட்டதாகவும், திரையரங்கு உ‌ரிமையாளர்களுக்கு சாதகமாக விஜய் விட்டுக் கொடுத்ததாகவும் தகவல்கள் தெ‌ரிவிக்கின்றன. இன்னும் ஓ‌ரிரு நாளில் அதிகாரப்பூர்வ அறிப்பை திரையரங்க உ‌ரிமையாளர்களிடமிருந்து எதிர்பார்க்கலாம்

நமீதாவுக்கு போட்டியாக களமிறங்கிய நடிகை!

2010-06-10T06:20:00.000-07:00

வீராச்சாமி படத்தில் டி.ஆரால் அறிமுகப்படுத்தப்பட்டு, பத்து பத்து, உனது விழியிலே ஆகிய படங்களில் நடித்துக் கொண்டிருக்கும்போதே விபசார வழக்கு, தன்னிடம் உல்லாசம் அனுபவித்த தொழில்அதிபருடன் எடுத்துக் கொண்ட அந்தரங்க படங்களை காட்டி மிரட்டியது உள்ளிட்ட விவகாரங்களுக்காக சிறைவாசம் அனுபவித்தது என பல்வேறு பிரச்னைகளில் சிக்கித்தவித்தவர் மாடலிங் அழகியும், நடிகையுமான பத்மா நாராயணன். இவர் தனது பெயரை லஸ்யா என மாற்றிக் கொண்டு புழல் படத்தின் மூலம் மீண்டும் நடிக்க வந்திருக்கிறார்.

அம்மணிக்கு சமீபமாக குடல்வால் ஆபரேஷன் நடந்திருக்கிறது. அதை ரகசியமாக செய்துகொண்டு கடந்த இரு வாரங்களுக்கும் மேலாக ஓய்வில் இருக்கும் லஸ்யா கூடிய விரைவில் கவர்ச்சியில் நமீதா இடத்தை பிடிப்பேன் என சபதம் செய்திருக்கிறாராம்.

நமீதாவிற்கும், லஸ்யாவிற்கும் நிறையவே ஒற்றுமை! உருவத்தில் மட்டுமல்ல... நமீதா மாதிரி லஸ்யாவிற்கும் தாய்மொழி குஜரா‌த்திதான். ஆனால் தந்தைமொழி மட்டும் கும்பகோணம் தமிழ் என்பது கூடுதல் சிறப்பு. மனஉறுதி, ஏழுச்சாமி, 7வது நாள் என கால்டஜன் கவர்ச்சி ஆட்சி புரியவிருக்கும் லஸ்யா, தன் மீது சுமத்தப்பட்ட பொய் குற்றச்சாட்டுகளில் இருந்த நீதிமன்றம் வாயிலாக கடந்த ஆண்‌டே விடுதலை ஆகி விட்டேன் என்கிறார்.

பிரகாஷ்ராஜின் காதல் படுத்தும் பாடு!

2010-06-10T06:19:00.001-07:00

பிரகாஷ்ராஜின் கால்ஷீட் வேண்டும் என்பவர்களுக்கு அவரது தரப்பில் வைக்கப்படும் ஒரே வேண்டுகோள், தனது காதலியும் கூடியவிரைவில் தன் மனைவி ஆகப்போகிறவருமான போனி வர்மாவுக்கு அந்த படத்தில் ஒரு பாடலுக்காவது நடனம் அமைக்க வாய்ப்பு வழங்க வேண்டும் என்பதுதான். இந்த எழுதப்படாத ஒப்பந்தத்திற்கு ஒப்புக் கொள்கிற புரடியூசர், டைரக்டர்களுக்கே பிரகாஷ்ராஜின் கால்ஷீட் கிடைக்கிறதாம்.

பாலிவுட் டான்ஸ் மாஸ்டரான போனிவர்மாவின் சம்பளம் ரொம்ப பெரிசு என்றாலும், பிரகாஷ் ராஜை வில்லனாக சித்தரித்து கதை ரெடி பண்ணும் டைரக்டர்கள், செல்லத்தின் செல்லத்திற்கு டான்ஸ் மாஸ்டர் வாய்ப்பளித்து, பிரகாஷ்ராஜை வில்லானிக் ஹீரோவாக்கி வியாபாரம் பார்க்கின்றனர். பாவம்! இப்படித்தான் நயன்தாரா - பிரபுதேவாவுடன் காதல் கொண்ட ஆரம்ப நாட்களில் தான் நாயகியாக ஒப்பந்தமாகும் படங்களில் எல்லாம் பிரபுதேவாவை மாஸ்டராக்கி பெரும் சம்பளம் வாங்கிக் கொடுத்தார்.

பிரபுதேவா பிஸி டைரக்டரான போதும்கூட நயனுக்காக மலையாள படங்களில்கூட நடனஇயக்குனர் ஆனது ஞாபகமிருக்கலாம்! எல்லாம் காதல் படுத்தும் பாடு! வேறென்ன சொல்ல?!

அடுத்தடுத்து அப்பாவாகும் கதாநாயகர்கள்

2010-06-10T06:17:00.001-07:00

கோடம்பாக்கத்தில் இது ஹீரோக்கள் அப்பாவாகும் காலம் போலும். நம்மூர் ஹீரோக்களின் மனைவிமார்கள் கர்ப்பமாகி பிரசவத்திற்கு தயாராகி வருகின்றனர். ஜெயம் ரவி, விக்ராந்த் உள்ளிட்ட இன்னும் சில ஹீரோக்கள் கூடிய விரைவிலேயே அப்பாவாகப் போகின்றனர்.

எப்போது மனைவிக்கு குழந்தை பிறக்கும்? தங்களது மூத்த வாரிசை பார்க்கலாம்... என காத்திருக்கும் இவர்களைப் போன்றே, ஏற்கனவே அப்பாவாகிவிட்ட நாயகர் தனுஷ் உள்ளிட்ட இன்னும் சில நடிகர்கள் தங்களது அடுத்த வாரிசை பார்க்க ஆவலுடன்

சீமானின் புதிய இலக்கு

2010-06-09T10:37:00.001-07:00

சீமானின் நாம் தமிழர் இயக்கம் முன்னெடுத்த முதல் பிரச்சனை, ஜெயராம் தனது வீட்டில் வேலை செய்த தமிழ்ப் பெண்ணை கருத்து தடிச்ச எருமை போன்ற தமிழச்சி என்று கொச்சையாக கிண்டல் செய்தது.

இந்தப் பிரச்சனையில் ஜெயராமின் வீட்டில் தாக்குதல் நடத்தி கெட்ட பெயரை நாம் தமிழர் இயக்கம் சம்பாதித்தது. தமிழ்நாட்டின் இன்னொரு தடியெடுத்தான் கட்சியா நாம் தமிழர் இயக்கம் என்ற ஐயத்தையும் அது ஏற்படுத்தியது.

ஆனால் இலங்கை பட விழாவுக்கு எதிரான போராட்டம், ஹிருத்திக் ரோஷனின் கைட்ஸ் படத்தை தமிழக திரையரங்குகளில் இருந்து தூக்கியது, ராஷபக்சேயின் வருகைக்கு எதிர்ப்பு என்று அடுத்தடுத்தப் போராட்டங்களில் அனைவரையும் சீமானின் கட்சி கவர்ந்துவிட்டது.

நாம் தமிழர் கட்சியின் அடுத்தக்குறி, ரத்த ச‌ரித்திரம். ராம்கோபால் வர்மா இயக்கியிருக்கும் இந்தப் படத்தில் சூர்யா, ப்‌ரியாமணி நடித்துள்ளனர். கூடவே கருப்பு ஆடு விவேக் ஓபராயும் நடித்துள்ளார்.

கொழும்பு மேடையில் தமிழர்களின் தாய் மாமன் நான் என்ற லெவலில் புளுகித்தள்ளிய இந்த பகல் வேஷத்தா‌ரியின் எந்தப் படத்தையும் தென்னிந்தியாவின் ஐந்து மாநிலங்களிலும் நுழையவிடக் கூடாது என்பதில் நாம் தமிழர் இயக்கம் தீவிரமாக உள்ளது.

சூர்யா, ப்‌ரியாமணி போன்றவர்கள் நடித்திருந்தாலும் விவேக் ஓபராய் இருப்பதால் படத்தை வெளியிட அனுமதிக்க மாட்டோம் என்பதில் சீமானும் தோழர்களும் உறுதியாக உள்ளனர். ரத்த ச‌ரித்திரம் சீமானின் அரசியலில் இன்னொரு ச‌ரித்திரமாக அமைந்தாலும் ஆச்ச‌ரியமில்லை.

தப்பித்தார் ஜெனிலியா

2010-06-09T10:33:00.001-07:00

கடைசி நேரத்தில் இலங்கைக்கு செல்லாமல் பயணத்தை ரத்து செய்ததால் வேலாயுதம் படத்தில் நடிக்கும் வாய்ப்பை தக்கவைத்துக் கொண்டார் ஜெனிலியா.

இலங்கையில் நடந்த படவிழாவில் ஜெனிலியா கலந்து கொண்டதாக செய்தி வெளியானதும் அவர் நடிக்கும் எந்தப் படத்துக்கும் ஒத்துழைப்பு கொடுப்பதில்லை என்று நடிகர் சங்கமும், பெப்சி அமைப்பும் அறிவித்தது.

சங்கம் சொல்லும் எதற்கும் கட்டுப்படுவோம் என்று அறிவித்தார் ஜெனிலியா ஹீரோயினாக நடிக்கும் வேலாயுதம் படத்தின் தயா‌ரிப்பாளர் ஆஸ்கர் ரவிச்சந்திரன்.

இந்நிலையில் இலங்கை செல்லவேயில்லை என்று விளக்கம் அளித்தார் ஜெனிலியா. ஆனால் அவரது பேச்சை ஒருவரும் நம்பவில்லை.

தற்போது திடீர் திருப்பமாக அவர் மீதான நடவடிக்கையை சங்கங்கள் நிறுத்தி வைத்துள்ளன. ஜெனிலியா இலங்கை செல்லவில்லை, அதனால் அவர் மீது சங்கங்கள் நடவடிக்கை எடுக்காது என்று ஸ்டுடியோ வட்டாரங்கள் தெ‌ரிவிக்கின்றன. மேலும் வேலாயுதம் படத்தில் திட்டமிட்டபடி அவர் நடிப்பார் எனவும் தெ‌ரிவித்துள்ளனர்.

இந்தப் படத்தில் ஜெனிலியாவுடன் இன்னொரு ஹீரோயினாக ஹன்சிகா மோத்வானி நடிக்கிறார். இதன் போட்டோசெஷன் சாலிக்கிராமத்தில் உள்ள பாலுமகேந்திராவின் ஸ்டுடியோவில் நடந்து முடிந்துள்ளது

ராவணனுக்கு எதிராக காவி கட்சி

2010-06-09T10:30:00.000-07:00

வட இந்தியாவில் இயங்கிவரும் நூற்றுக்கணக்கான காவி கட்சிகளில் ஒன்று சென்சார் போர்டுக்கு கடிதம் அனுப்பியிருக்கிறது. ராவண் படத்தின் சென்சார் சான்றிதழை திரும்பப் பெற வேண்டும் என்பது அந்த‌க் காவி கட்சியின் வேண்டுகோள்.

ஏனாம் இந்த ‘திடுக்’ கடிதம்?

ராவண் படத்தை மணிரத்னம் ராமாயணத்தை மையமாக வைத்து எடுத்திருக்கிறார் என்று விளம்பரம் செய்கிறார்கள். படத்தில் சீதா பிராட்டியாக நடித்திருப்பவர் ஐஸ்வர்யாராய். அவர் ராவணன் அபிஷேக் பச்சனை காதலிப்பது போல் கதை செய்திருக்கிறார்கள். இது நாங்கள் தெய்வமாக வணங்கும் சீதா பிராட்டியாரை கேவலப்படுத்தும் செயல் என்று அந்தக் கட்சி கடிதத்தில் குறிப்பிட்டுள்ளது.

இப்படிதான் படத்தைப் பார்க்காமலே காந்தியை கமல் கேவலப்படுத்துவதாக ஹேராம் படத்துக்கு எதிராக காங்கிரசார் வன்முறையில் ஈடுபட்டார்கள். படம் வெளிவந்த பிறகு போராட்டத்தில் ஈடுபட்டவர்கள் வாயே திறக்கவில்லை. அப்படியொரு நிலைமை காவி கட்சிகளால் ராவண் படத்துக்கு ஏற்பட்டுவிடக் கூடாது.

பெண் சிங்கம் விமர்சனம்

2010-06-09T08:39:00.000-07:00

நல்லவர்களுக்கும் நய வஞ்சகர்களுக்கும் இடையே நடக்கும் போராட்டம்தான் பெண்சிங்கம் படத்தின் மொத்த கதையும். அதை, பெண்ணினத்திற்கு பெருமை சேர்க்கும் வகையில் திரைக்கதை அமைத்து, வசனமெழுதி வடித்தெடுக்க முற்பட்டு, தான் ஒரு 'பென்' (பேனா) சிங்கம் என்பதை மீண்டும் ஒருமுறை நிரூபித்திருக்கிறார் முதல்வர் மு.கருணாநிதி.

கதைப்படி, உதய்கிரணும், ரிச்சர்டும் நண்பர்கள். காட்டிலாக்கா அதிகாரி உதய்கிரணும், அவரது நீதிபதி அம்மா ரோகினியும் சேர்ந்து ரிச்சர்டை விரும்பும் வசதியான வீட்டுப்பெண் புதுமுகம் சுதர்சனா சென்னை அவருக்கு முன்னின்று மணம் முடித்து வைக்கின்றனர். பெண்உரிமை, பெரியார், அண்ணா... என பொதுமேடைகளில் வாய் கிழிய பேசும் ரிச்சர்ட் பெரிய நயவஞ்சகன் என்பது முதலிரவின்போதே சுதர்சனாவிற்கு தெரியவருகிறது. அதுமுதல் அனுதினமும் ரிச்சர்ட் பணத்திற்காக தன்னை படுத்தும்பாட்டை, ஒருகட்டத்தில் உதய்கிரணிடம் சொல்லி நியாயம் கேட்கச் செல்கிறார் சுதர்சனா சென். இருவரும் நியாயம் கேட்க போகும் இடத்தில், உதய்கிரணுக்கு உபத்திரவம் கொடுத்து வரும் வில்லன் கூட்டத்தாருடன் குடியும், கூத்துமாக இருக்கிறார் ரிச்சர்ட். அப்போது வில்லனின் ஐடியாப்படி, தன் மனைவி சுதர்சனாவை சுட்டுக் கொன்று விட்டு பழியை உதய்கிரண் மீது போடுகிறார்.

இது ஒருபக்கம் என்றால், மற்றொருபக்கம், உதய்கிரணால் ஐ.பி.எஸ். படித்து பெரிய ‌போலீஸ் ஆபீசராக திரும்பும் உதய்கிரணின் காதலி மீராஜாஸ்மின், இந்த கேஸை கையில் எடுத்துக் கொண்டு போலீஸ் கஸ்டடியில் இருந்து தப்பி தலைமறைவாக இருக்கும் ஹீரோவை தேடி புறப்படுகிறார்.

உதய்கிரணின் நீதிபதி அம்மாவான ரோகினியோ, தன் நீதிபதி பதவியை ராஜினாமா செய்துவிட்டு, மகனுக்காக வக்கீலாக அந்த கேஸில் ஆஜராகிறார். மீரா உதய்கிரணை பிடித்தாரா? உண்மையான குற்றவாளியை கண்டுபிடித்தாரா? ரோகினி சாட்சிகளின் அடிப்படையில் குற்றவாளியாக தெரியும் தன் மகனை சட்டத்தின் பிடியில் இருந்து காப்பாற்றினாரா? என்பது உள்ளிட்ட இன்னும் பல வினாக்களுக்கு வித்தியாசமாக வி‌டையளிக்க முயற்சிக்கிறது பெண்சிங்கம் படத்தின் மீதிக்கதை.

உதய்கிரண், ரிச்சர்ட், வாகை சந்திரசேகர், தலைவாசல் விஜய், மாணிக்க விநாயகம், ஓ.ஏ.கே.சுந்தர், நிழல்கள் ரவி, மதன்பாப், மீராஜாஸ்மின், சுதர்சனா சென், ரோகினி, ஸ்ரீரஞ்சனி, லாவன்யா, ரம்பா என ஒரு ‌பெரும் நட்சத்திர கூட்டமே படம் முழுக்க பவனி வருகிறது. ஆனால் இவர்கள் எல்லோரையும் விட, அடி ஆடி அசையும் இடுப்பு... பாடலுக்கு அசத்தலாக ஆடி ஓடிப்போகும் ராகவா லாரன்சும், லட்சுமிராயும் அதிக ஸ்கோர் செய்து விடுகின்றனர் என்பது ஹைலைட்.

தேவாவின் இசையில் கல்யாணம் ஆகாத பெண்ணே... எனும் பாவேந்தர் பாரதிதாசன் பாடலும், ஆஹா வினையில் எழுவது எனத் தொடங்கி தொடரும் முதல்வர் கருணாநிதியின் பாடலும் தாளம் போட வைக்கும் சுகமான ராகம் என்றால் வாலியின் அடி ஆடி அசையும் இடுப்பு... எழுந்து ஆட வைக்கும் அதிரடி ரகம்.

விஜய் ராகவ்வின் ‌ஒளிப்பதிவும், வி.டி.விஜயனின் படத்தொகுப்பும் பெண்சிங்கத்தின் பெரும் பலம்!

பெண் விடுதலை, பெண் உரிமை, பெரியார், அண்ணா எல்லாம் மேடையில் மட்டும்தான் என பேசும் ரிச்சர்ட் கேரக்டர் மூலம் வசனகர்த்தா கருணாநிதி, யாரை குத்திக் காட்ட முனைகிறார் என்பது புரியாத புதிர். வீரமங்கை வேலுநாச்சாயர் ஓரங்க நாடகத்திலும், ஐஏஎஸ் படிக்க விரும்பும் நாயகியை, நாயகர் ஐபிஎஸ் படிக்க சொல்லி, அதற்கு விளக்கம் சொல்லும் இடத்திலும், இன்னும் உருக்கமான கோர்ட் சீன்களிலும் அந்த காலத்து கதை வசனகர்த்தா கருணாநிதியை அப்படியே பார்க்க முடிவது ஆறுதல்! அதேநேரம் அவரது கதை, வசனத்தில் இருக்கும் அழுத்தம், திரைக்கதையில் பாலிஸ்ரீரங்கத்தில் இயக்கத்திலும் போதுமான அளவு இல்லாதது வருத்தம்!

பெண் சிங்கம் : முதல்வர் கருணாநிதியை PEN சிங்கம் என மீண்டும் நிரூபித்திருக்கிறது.

புதியவர்களின் கண்டுபுடிச்சிட்டேன்

2010-06-09T08:30:00.001-07:00

கண்டுபுடிச்சிட்டேன் என்ற ஓரு புதிய தமிழ் படத்திற்கு பெயர் சூட்டி, படப்பிடிப்பையும் நடத்தி முடித்து பாடல் வெளியீடும் செய்துவிட்டனர் சமீபத்தில்! டாப் பிலிம்ஸ் பட நிறுவனம் சார்பில் சி.ஜெயபால் மற்றும் பி.சி.எஸ். இருவரும் இணைந்து தயாரித்துள்ள கண்டுபுடிச்சிட்டேன் படத்தை ஆர்.கோபால்ராஜ், கதை, திரைக்கதை, வசனம் எழுதி இயக்கியுள்ளார்.

மின்னல் கீற்றாய் ஒரே ஒருமுறை தன் கண்ணில் பட்டு மறையும் ஒரு அழகியை தன் மனதிற்குள் பூட்டி வைத்து, அவளோடு கனவுலகில் வழ்ந்து வருகிறான் நாயகன். காலங்கள் உருண்டோட நாயகன், நாயகியை தேடி அலைகிறான். அந்த அழகி மீண்டும் நாயகன் கண்முன் தோன்றினாளா? நாயகரின் கைகளுக்கு கிட்டினாளா? கழுத்தை நீட்டினாளா? என்பது உள்ளிட்ட இன்னும்பல வினாக்களுக்கு கவித்துவமாக விடையளிக்கிறது கண்டுபுடிச்சிட்டேன் படத்தின் மீதிக்கதை.

ஜீவராஜா இசையில், ஜெ.நவுஷாத் ஒளிப்பதிவு செய்துள்ள கண்டுபுடிச்சிட்‌டேன் படத்தில் ரஷ்ய தலைநகர் மாஸ்கோவில் வசிக்கும் கேரளாவை சேர்ந்த சன்னி ஹீரோவாக நடிக்க, கேரள அழகி சனா நாயகியாக நடிக்கிறார். விஜய் மோகன் - திவ்யாஸ்ரீ எனும் மற்றொரு ஜோடியும் படத்தில் உண்டாம்.

ஓமன் புயலில் சிக்கிய தமிழ் பட குழு!

2010-06-09T08:24:00.000-07:00

சமீபத்தில் ஓமன் நாட்டை தாக்கிய பெட் புயலில் தமிழ் பட குழுவினர் சிக்கிக் கொண்டனர். ராணுவத்தின் உதவியுடன் அவர்கள் பத்திரமாக மீண்டு சென்னை திரும்பியுள்ளனர். டைரக்டர் ஜனநாதனின் உதவியாளர் சாய்ரமணி இயக்கும் புதிய படம் சிங்கம் புலி. இப்படத்தின் நாயகனாக நடிகர் ஜீவா நடிக்கிறார். நாயகிகளாக திவ்யா பந்தனாஸ், சவுந்தர்யா நடிக்கிறார்கள். இப்படத்தின் சூட்டிங்கிற்காக கதாநாயகன், கதாநாயகிகள் மற்றும் படக்குழுவினர் ஓமன் நாட்டுக்கு சென்றனர்.

படப்பிடிப்பை தொடங்குவதற்குள் அரபிக்கடலில் உருவான பெட் புயல் ஓமன் நாட்டை தாக்கியது. புயல் தாக்கியபோது படப்பிடிப்பு குழுவினர் அங்குள்ள ஓட்டலில் தங்கியிருந்தனர். அந்த ஓட்டலைச் சுற்றி வெள்ளம் சூழ்ந்தது. இதனால் அங்கிருந்து யாரும் வெளியே வரமுடியவில்லை. இதையடுத்து படப்பிடிப்பு ரத்து செய்யப்பட்டது.

ராணுவத்தின் உதவியுடன் படப்பிடிப்பு குழுவினர் மஸ்கட் விமான நிலையம் வந்து சேர்ந்தார்கள். அங்கிருந்து நடிகர் ஜீவா மட்டும் பிரான்சில் நடைபெறும் ராம் பட விழாவுக்கு சென்றார். மற்றவர்கள் அனைவரும் விமானம் மூலம் சென்னை திரும்பியுள்ளனர்.

உனக்கு 60 எனக்கு 16! விருது பெற்ற குறும்படம்!!

2010-06-09T08:12:00.000-07:00

அறுபது வயதைக் கடந்தவர்களுக்கும், இளம் தலைமுறையினருக்கும் இடையே நடைபெறும் கருத்து மோதல்களை வித்தியாசமாக படம்பிடித்துக் காட்டி வெற்றியும் கண்டிருக்கிறார் குறும்பட இயக்குனர் சந்துரு. சிறுசேமிப்பு திட்டங்கள் குறித்து மக்களிடம் விழிப்புணர்வை ஏற்படுத்தும் வகையில் விளம்பரப் படங்கள் மற்றும் பொதுக் கருத்துக்கள் கொண்ட குறும்படங்களை தமிழக அரசின் சிறுசேமிப்பு துறை தயாரித்தது. இதில் சிறந்த மூத்த குடிமக்கள் படம் விருது டைரக்டர் எம்.சந்துருவுக்கு கிடைத்தது. உனக்கு 60 எனக்கு 16 என்ற பெயரில் உருவாகியிருக்கும் அந்த குறும்படத்துக்கு நிதியமைச்சர் அன்பழகன் விருதினை வழங்கி கவுரவித்தார்.

தனது குறும்படம் குறித்து டைரக்டர் சந்துரு கூறுகையில், சமுதாயத்தின் இ‌ன்றைய நிலையின் ஒரு பகுதியைத்தான் எனது குறும்படத்தில் சுட்டிக் காட்டியிருக்கிறேன். நீண்ட நேரம் தொலைபேசி உரையாடல், விடுமுறைக்குக் கூட தங்களது கிராமத்துக்கு சென்று உறவினர்களை சந்திக்க விரும்பால இளைய சமுதாயம், சுய கட்டுப்பாடின்றி சாலையில் பறக்கும் இளைஞர்கள், வட்டியைப் பற்றி கவலைப்படாமல் லட்சக்கணக்கில் கடன் வாங்கி குவிக்கும் இளைஞர்கள், இணையதளத்தில் அதிக நேரத்தை செலவிடுதல், வளைந்து நெளிந்து வேலை செய்ய விரும்பாத இக்கால பெண்களின் மனநிலை போன்றவற்றை இரண்டு தலைமுறையினரின் பார்வையில் இருந்து குறும்படத்தை எடுத்திருக்கிறேன், என்றார்.

திடரப்படக் கல்லூரி மாணவரான சந்துரு, ஏற்கனவே துப்புரவு அறிதல் என்ற குறும்படத்திற்காக தமிழ்நாட்டின் பல திரைப்பட விழாக்களில் விருது பெற்றிருக்கிறார். இவர் இயக்கிய டூ மச், இந்தியன் எக்ஸ்பிரஸ்போன்ற குறும்படங்களும் சர்வதேச திரைப்பட விழாக்களில் பங்கேற்றிருக்கிறது என்பது கூடுதல் தகவல்.

விஜய் படவிழாவுக்கு சிக்கல்

2010-06-08T21:12:00.000-07:00

விஜய்யின் வேலாயுதம் படம் தொடங்கும் முன்பே சிக்கல் மேல் சிக்கல். விஜய்யின் சமீபகால படங்கள் எதுவும் ஓடாததால் வேலாயுதத்தின் தொடக்க விழாவை பிரமாண்டமாக நடத்த ஏற்பாடு செய்திருந்தனர். நேரு உள் விளையாட்டு அரங்கில் அன்னதானம் கலை நிகழ்ச்சி என களைகட்டவிருந்தது விழா.

இந்நிலையில் இலங்கை படவிழாவுக்கு சென்றதாக ஜெனிலியா மீது தடை விதிக்கப்பட்டிருக்கிறது. தொடக்க விழா போஸ்டர் அடிக்கும் முன் படத்தின் கதாநாயகியை மாற்ற வேண்டிய நிலை.

அதேபோல் படத்தின் தொடக்க விழாவுக்கு ஷாருக்கானை அழைக்க திட்டமிட்டிருந்தார் தயா‌ரிப்பாளர் ரவிச்சந்திரன். இலங்கைப் பிரச்சனையில் ஷாருக்கான் தெ‌ரிவித்த சில கருத்துகள் சிங்களவர்களுக்கு சாதகமானவை என்று கூறி, அவர் தமிழ் நாட்டுக்கு வந்தால் போராட்டம் நடத்துவோம் என அறிவித்துள்ளது இந்து மக்கள் கட்சி.

இந்த திடீர் தாக்குதலால் ஷாருக்கை அழைப்பதா வேண்டாமா என்று திணறிக் கொண்டிருக்கிறது வேலாயுதம் டீம்.

படத்தில் பத்து நூறு பேரை அடிக்கும் விஜய் இதற்கொரு தீர்வு சொன்னால் நல்லது

வேலாயுதம் - தெலுங்கு ‌‌ரீமேக்

2010-06-08T10:09:00.001-07:00

விஜய்க்கு வெற்றியை கொடுத்த பெரும்பாலான படங்கள் பிற மொழிகளிலிருந்து ‌‌ரீமேக் செய்யப்பட்டவை. காதலுக்கு ம‌ரியாதை, கில்லி போன்றவற்றை சிறப்பாக குறிப்பிடலாம்.

கடைசியாக வெளியான எந்தப் படமும் ச‌ரியாகப் போகாத நிலையில் மீண்டும் ‌ரீமேக்கிடமே சரணடைந்துள்ளார் இளைய தளபதி. விஜய் தற்போது நடித்துவரும் காவல்காரன் மலையாளத்தில் வெளியான பாடிகா‌ர்ட் படத்தின் ‌ரீமேக். படத்தை இயக்கும் சித்திக் ஏற்கனவே தனது மலையாள ப்ரண்ட்ஸ் படத்தை தமிழில் விஜய்யை வைத்து ‌‌ரீமேக் செய்து ஹிட் கொடுத்தவர்.

அடுத்து ஜெயம் ராஜா இயக்கத்தில் விஜய் நடிக்கும் வேலாயுதம் படமும் ‌ரீமேக் என்று தெ‌ரிய வந்துள்ளது. சில ஆண்டுகள் முன் நாகார்ஜுனா, சௌந்தர்யா நடித்த ஆஸாத் என்ற படத்தையே வேலாயுதம் என்ற பெய‌ரில் எடுக்கின்றனர். இந்தப் படத்தில் விஜய் ஜோடியாக ஹன்சிகா மோத்வானி நடிக்கிறார். இவர் தனுஷின் மாப்பிள்ளை படத்திலும் நடித்து வருவது குறிப்பிடத்தக்கது.

ஜெயம் தொடங்கி தில்லாலங்கடி வரை தெலுங்கு படங்களை மட்டுமே ‌‌ரீமேக் செய்த ஜெயம் ராஜா, முதல் முறையாக விஜய்யை வைத்து நேரடி தமிழ்ப் படம் செய்வதாக அறிவித்தனர். ஆனால் அதுவும் நேரடிப் படமல்ல, தெலுங்கு ‌ரீமேக்.

சொந்தமா எப்போ யோசிக்கப் போறீங்க ராஜா சார்?

மணிரத்னம் இயக்கத்தில் அமீர்கான்

2010-06-08T10:07:00.001-07:00

அவரது படங்களில் வரும் கதாபாத்திரங்கள் துண்டு துண்டாக நாலு வார்த்தையாவது பேசுவார்கள். ஆனால் மணிரத்னம்? மேடை போட்டு மைக்கை கையில் கொடுத்தால் நன்றி வணக்கம் என்று இரண்டு வார்த்தையோடு எல்லாவற்றையும் முடித்துக் கொள்வார். அப்படிப்பட்டவர் அடுத்து என்ன படம் இயக்குகிறார் என்று அவர் வாயாலேயே கேட்க முடியும் என்று நினைக்கிறீர்கள்?

அமீர்கானை வைத்து இயக்க திட்டமிட்டிருந்த ல‌‌ஜ்ஜா படத்தை மணிரத்னம் அடுத்து இயக்கவிருப்பதாக தகவல்கள் தெ‌ரிவிக்கின்றன. இதுவொரு காதல் கதை. வழக்கம் போல் ரஹ்மான் இசை. இந்தப் படததுக்கான இசை வேலைகளை தொடங்கிய பிறகு சில காரணங்களால் படம் கைவிடப்பட்டது. மணிரத்னம் ராவணன் படத்தை இயக்கினார்.

தற்போது பிரச்சனைகள் எல்லாம் முடிந்து நிலைமை சகஜ நிலைக்கு திரும்பியிருப்பதாக கூறுகிறார்கள். ல‌ஜ்ஜாவில் க‌ரீனா கபூர் நடிப்பதாக இருந்தது. இலங்கையில் நடந்த திரைப்பட விழாவில் அவர் கலந்து கொண்டதால் ஐந்து மாநிலங்களில் அவர் நடித்தப் படத்துக்கு தடை விதித்திருக்கிறார்கள்.

இதன் காரணமாக மணிரத்னம் க‌ரீனா கபூருக்குப் பதில் வேறு நடிகையை ஒப்பந்தம் செய்யலாம் என்கிறார்கள். எனினும் படம் குறித்த உறுதியான தகவல் ராவணன் ‌ரிலீஸுக்குப் பிறகே தெ‌ரியவரும்

ர‌ஜினி விஜய் நேரடி மோதல்

2010-06-08T09:47:00.001-07:00

ஆரம்ப காலத்தில் ர‌ஜினியின் தீவிர ரசிகன் நான் என்று மேடைக்கு மேடை பேசி வந்தார் விஜய். ர‌ஜினியும் ஒருமுறை, விஜய் எப்போதும் என் ரசிகன் என்று மேடையிலேயே அறிவித்தார்.

இதெல்லாம் பழங்கதை. விஜய்யின் ரூட் ர‌ஜினியிடமிருந்து எம்‌ஜிஆருக்கு மாறிவிட்டது. ர‌ஜினியும் அ‌‌ஜீத் பக்கம் தாவிவிட்டார். இந்நிலையில் இன்டஸ்ட்‌ரியை ஹீட்டாக்கும் செய்தி ஒன்று கோடம்பாக்கத்தில் உலவி வருகிறது. ர‌ஜினி, விஜய் படங்கள் ஒரே நேரத்தில் வெளியாகின்ற என்பதுதான் அந்த செய்தி.

எந்திரன் படப்பிடிப்பு முடிந்துவிட்டது, ஆகஸ்ட் மாதம் படம் வெளியாகும் என்று ர‌ஜினி தெ‌ரிவித்துள்ளார். அதே ஆகஸ்ட் மாதம் விஜய்யின் 51வது படம் காவல்காரனும் திரைக்கு வருகிறதாம்.

காவல்காரன் மலையாளத்தில் வெளியான பாடிகா‌ர்ட் படத்தின் ‌ரீமேக். அந்தப் படத்தை இயக்கிய சித்திக்கே இந்தப் படத்தையும் இயக்குகிறார். மலையாளத்தில் முப்பது நாட்களில் படத்தை எடுத்து முடிக்கும் பழக்கமுள்ள சித்திக் அதே வேகத்தில் காவல்காரனை இயக்கி வருகிறார். அனேகமாக படம் ஆகஸ்டில் திரைக்கு வந்துவிடும்.

விஜய்க்கு தன்னம்பிக்கை அதிகம் என்றாலும் எந்திரனுடன் மோதும் அளவுக்கு இருக்குமா என்பதே அனைவ‌‌ரின் கேள்வி.

சிங்கத்தை பாராட்டிய ர‌ஜினி

2010-06-07T19:59:00.001-07:00

சிங்கம் என்றால் இது சூர்யா நடித்த சிங்கமல்ல, முதல்வர் கருணாநிதியின் கதை, வசனத்தில் உருவான பெண் சிங்கம்.

பாலி ஸ்ரீரங்கம் இயக்கியிருக்கும் பெண் சிங்கத்தின் கதை, திரைக்கதை, வசனத்தை முதல்வர் கருணாநிதி எழுதியுள்ளார். இப்படம் அவரது பிறந்தநாளான ஜூன் 3 ஆம் தேதி திரைக்கு வருகிறது.

இரு தினங்கள் முன்பு தனது குடும்பத்துடன் ஃபோர் பிரேம் திரையரங்கில் பெண் சிங்கத்தை முதல்வர் பார்த்தார். அவருடன் வைரமுத்து, ஜே.கே.‌ரித்தீஷ், ர‌ஜினிகாந்த் ஆகியோரும் பெண் சிங்கத்தை ரசித்தனர்.

படம் நல்ல எ‌ண்டர்டெயினராக இருப்பதாகவும், பெண்ணின் வலிமையை சிறப்பாக சொல்லியிருப்பதாகவும் படம் பார்த்த ர‌ஜினி கருத்து தெ‌ரிவித்தார்.

மீரா ஜாஸ்மின், ரம்பா ஆகியோர் பெண் சிங்கத்தில் முக்கியமான வேடங்களில் நடித்துள்ளனர்.

சுறா மு‌ன்னோ‌ட்ட‌ம்

2010-04-28T20:17:00.000-07:00

நடிகர் விஜய்யின் 50வது படம் சுறா. விஜய்க்கு திருப்புமுனையாக அமைந்த காதலுக்கு ம‌ரியாதை படத்தை தயா‌ரித்த சங்கிலி முருகன் 11 வருட இடைவெளிக்குப் பிறகு - அதாவது காதலுக்கு ம‌ரியாதைக்குப் பிறகு தயா‌ரித்திருக்கும் படம் இது.

அழகர்மலை படத்தை இயக்கிய எஸ்.பி.ராஜகுமார் சுறாவை இயக்கியிருக்கிறார். 2007ல் மலையாளத்தில் வெளியான அன்வர் ரஷீதின் சோட்டா மும்பை படத்தின் கதையை மேலோட்டமாக தழுவி சுறாவை எடுத்துள்ளனர். இதில் ஹீரோவாக நடித்தவர் மோகன்லால்.

காதலிக்காகவும், தங்கைக்காகவும் சண்டை போட்ட நான் இதில் ஊர் மக்களுக்காக சண்டை போட்டிருக்கிறேன் என்று சுறா பற்றி கூறுகிறார் விஜய். இவருக்கு ஜோடியாக நடித்திருப்பவர் தமன்னா. மீனவ இளைஞனாக வரும் விஜய்யின் நண்பன் அம்ப்ரல்லாவாக வடிவேலு நடித்துள்ளார். இவர்கள் இருவரும் வரும் காட்சிகள் திரையரங்கை கலகலப்பாக்கும் என்றார் இயக்குனர். இவர்களுடன் ஸ்ரீமன், ‌ரியாஸ்கான, தேவ் கில் ஆகியோரும் நடித்துள்ளனர்.

சமாதானமாகப் போக நான் புறா இல்லடா... சுறா. விஜய் பேசும் பன்ச் வசனங்களில் இதுவும் ஒன்று. கொச்சி, தூத்துக்குடி, கடலூர் போன்ற கடலோரப் பகுதிகளில் படத்தை எடுத்துள்ளனர். மணிசர்மா இசையமைத்துள்ளார். அனைத்துப் பாடல்களும் ஏற்கனவே ஹிட்டாகியுள்ளன.

எம்.எஸ்.பிரபு, ஏகாம்பரம் இருவரும் ஒளிப்பதிவு செய்துள்ளனர். கனல் கண்ணன் சண்டைப் பயிற்சி அளித்துள்ளார்.

சங்கிலி முருகனின் முருகன் சினி ஆர்ட்ஸ் தயா‌ரித்திருக்கும் சுறாவின் ஒட்டுமொத்த விநியோக உ‌ரிமையை சன் பிக்சர்ஸ் வாங்கியுள்ளது. வரும் வெள்ளிக்கிழமை வெளியாகவிருக்கும் இப்படத்துக்கு சென்சார் யு சான்றிதழ் வழங்கியுள்ளது.

அமிதாப்புக்கு சீமான் நன்றி

2010-04-28T20:15:00.000-07:00

இலங்கையில் நடக்கயிருக்கும் விருது வழங்கும் விழா குறித்து மறுப‌ரிசீலனை செய்வதாக தெ‌ரிவித்திருக்கும் அமிதாப்பச்சனுக்கு இயக்குனரும், நாம் தமிழர் இயக்கத்தின் தலைவருமான சீமான் நன்றி தெ‌ரிவித்துள்ளார்.

ஈழத் தமிழர்களை‌க் கொன்று குவித்த பாசிஸ ராஜபக்சேவுக்கு சர்வதேச சமூகம் பெரும் நெருக்கடியை ஏற்படுத்தி வருகிறது. அவரை‌ப் போர் குற்றவாளியாக அறிவிக்கும் நடவடிக்கை முடுக்கிவிடப்பட்டுள்ளது.

இந்த நெருக்கடியை நீர்த்துப்போகச் செய்யும் எதிர் நடவடிக்கையில் இலங்கை அரசுடன் இந்திய அரசும் கை கோர்த்துள்ளது. இந்திய அரசின் அழுத்தம் காரணமாக சர்வதேச இந்திய திரைப்பட விருது வழங்கும் விழா இலங்கையில் நடத்த ஏற்பாடு செய்யப்பட்டுள்ளது. இதன் சிறப்பு தூதராக அமிதாப்பச்சன் நியமிக்கப்பட்டுள்ளார். சமீபத்தில் இலங்கை சென்ற அமிதாப் பாசிஸ ராஜபக்சேவை சந்தித்து விழா குறித்து பேசியதுடன் சிங்களர்களை வெகுவாகப் புகழ்ந்து பேட்டியளித்தார்.

இதற்கு எதிர்ப்பு தெ‌ரிவிக்கவும், அமிதாப் விருது விழாவை புறக்கணிக்க வேண்டும் என்று வலியுறுத்தியும் நாம் தமிழர் இயக்கத்தினர் கடந்த ஞாயிறன்று அமிதாப்பின் வீட்டு முன் கறுப்பு‌க் கொடி ஏந்தி ஆர்ப்பாட்டம் செய்தனர். அப்போது வீட்டிலிருந்த அமிதாப் ஆர்ப்பாட்டக்காரர்களை அழைத்து விவரங்களை‌த் தெ‌ரிந்து கொண்டார்.

இதுகுறித்து தனது ப்ளாக்கில் எழுதியிருக்கும் அமிதாப், தமிழர்களின் சென்டிமெண்‌ட்டை தான் மதிப்பதாகவும், விருது விழா நடத்துகிறவர்களிடம் இது குறித்து பேசயிருப்பதாகவும், விருது விழா குறித்த முடிவை மறு ப‌ரிசீலனை செய்யவிருப்பதாகவும் தெ‌ரிவித்துள்ளார்.

அமிதாப்பச்சனின் இந்த முடிவுக்கு சீமான் நன்றி தெ‌ரிவித்து அறிக்கை வெளியிட்டுள்ளார். ஷாருக்கான், ஐஸ்வர்யாராய் உள்ளிட்ட மற்ற பாலிவுட் நட்சத்திரங்களும் இந்த விழாவை புறக்கணிக்க வேண்டும் என தனது அறிக்கையில் சீமான் கேட்டுக் கொண்டுள்ளார்.

இமயமும் சிகரமும் ரெட்டச்சுழி

2010-04-28T20:13:00.000-07:00

காதல் பிரச்சனையால் நாற்பது வருட பகையுடன் தி‌ரியும் இரண்டு முதியவர்கள், அவர்களுக்கு பக்கவாத்தியமாக இரு டஜன் வாண்டுகள். காலை வாருவதும், காமெடி செய்வதுமாக செல்லும் வாழ்க்கையில் மீண்டும் ஒருமுறை காதல் குறுக்கிடுகிறது. பிரச்சனை பெ‌ரிதாகி பூகம்பமாக வெடித்ததா, புஸ்வாணமாக சுபத்தில் முடிந்ததா என்பது கிளைமாக்ஸ்.

பொதுவுடமைக்காரர் சிங்காரவேலர் (பாரதிராஜா) தெருமுனை‌‌க் கூட்டம் போட்டாலும் அது தனக்கெதிராக நடத்தும் சதி என்று நடுங்கும் கையில் துப்பாக்கி ஏந்துகிறவர் முன்னாள் காங்கிரசுக்காரர் ராமசாமி (பாலசந்தர்). வறட்டு கௌரவத்துடன் பாரதிராஜாவின் சைக்கிள் காற்றை பிடுங்குவது, அவரது போஸ்டரை கிழிப்பது என்று பாலசந்தரை பால்வடியும் சந்தராக்கியிருக்கிறார் இயக்குனர். நக்கல் பாலசந்த‌ரின் ஆயுதம். தாமிரபரணியை எப்போ அடகு வச்சாங்க இவன் மீட்கிறதுக்கு என்று கேட்பதாகட்டும், காலாட்டிக் கொண்டே, உங்க வேலர் என்ன சொல்றார் என்று கிண்டலடிப்பதாகட்டும், நடிப்பிலும் சளைத்தவரல்ல என்று காட்டியிருக்கிறார்.

பாரதிராஜாவுக்கு அவரது குரலுக்கேற்ற கதாபாத்திரம். தாமிரபரணி முதல் காவே‌ரி வரை தனது அரசியல் பார்வையை பாரதிராஜா மூலம் வெளிப்படுத்தியிருக்கிறார் இயக்குனர் தாமிரா. கண நேரம் வந்து போகும் முத்துக்குமார் நினைவு விளையாட்டுத்திடல் பெயர் பலகை திரையரங்கில் சலசலப்பை ஏற்படுத்துகிறது.

இந்த கிழட்டு‌ச் சிங்கங்களின் பகைக்கு பக்க வாத்தியம் அவர்கள் வீட்டு வாண்டுகள். குஷ்புவாக வரும் சிறுமி கருத்து சொல்வதும், ‘நீ கருத்து சொன்னாலே பிரச்சனையாயிடுது’ என்று மற்ற குழந்தைகள் கலாய்ப்பதும், குஷ்பு கோயிலுக்ககுள்ளால செருப்பு போட்டு வராத, பிரச்சனையாயிடும் என்பதும்... இயக்குனர் கலாய்ப்பது குஷ்புவையா இல்லை அவருக்கு எதிராக பேசுகிறவர்களையா என்பது தெ‌ரியவில்லை.

கவனத்தை கவரும் இன்னொரு வாண்டு அஞ்சலிக்கு துணையாக வரும் குட்டிப் பையன். ஆ‌ரி தனது முன்னாள் காதலை அஞ்சலியிடம் சொல்லி, உன் மனசுல என்ன இருக்கு என்று கேட்க, அதற்கு அந்த பையன், இங்கிலீஷ் டீச்சர் மனசுல என்ன இருக்கும்? லாங் லாங் எகோ, ஒன்ஸ் அப்பான் ஏ டைம் என்று திருப்பியடிப்பது ரசனை. பாரதிராஜாவை தோழரே என்று கலாய்க்கும் போது திரையரங்கு கலகலக்கிறது.

பாரதிராஜாவின் உசிரளவு பிடிச்சிருக்கு காதலாகட்டும், அஞ்சலியின் நான் செத்து சாமியா வந்து காப்பாத்துட்டுமா காதலாகட்டும் இரண்டிலும் உயிர்ப்பில்லை. பல வருஷம் காத்திருந்த காதல் கைகூடும் நேரத்தில் பாலசந்த‌ரின் சம்மதம் இல்லாமல் தாலி கட்டமாட்டேன் என்று ஆ‌ரி சத்தியம் செய்து கொடுப்பது திரைக்கதையின் தப்பாட்டம். இதைத் தொடர்ந்து வரும் கிளைமாக்ஸ் மெகா தொட‌ரின் மொண்ணை எபிசோட். இதற்கு நடுவிலும் காக்கிக்கு மேல் பட்டு சுற்றி திடீர் மாப்பிள்ளையாகும் கருணாஸ் சி‌ரிக்க வைக்கிறார். இன்ஸ்பெக்டரான அவரை, மாமா இந்த ட்ரெஸ்ல நீ போலீஸ் போலவே இருக்கே என வாண்டுகள் வம்பிழுப்பது அக்குறும்பு.

பாடல்களைவிட பின்னணி இசையில் சோபிக்கிறார் கார்த்திக் ராஜா. படத்துக்கு பலம் சேர்க்கிறது செழியனின் கேமரா. காட்சிகள் ஒவ்வொன்றும் கொள்ளை அழகு.

நாடகத்தனமான காட்சிகளுக்கிடையே வரும் நாட்டு நடப்பை பிரதிபலிக்கும் வசனங்களும் ஹாஸ்யங்களும் இழுவை திரைக்கதையை இழுத்துப் பிடிக்கின்றன. ஆ‌ரி குழந்தைகள் சொன்னதற்காக ராணுவத்தை கிராமத்துக்கு அழைத்து வருவதும், ஒரு சுப்ரபாதத்தில் திரும்பி செல்வதும் காதுலப்பூ.

யானையை வைத்து யுத்தமும் செய்யலாம், வித்தையும் காட்டலாம். தாமிரா செய்திருப்பது இரண்டாவது.

வைகை ஆற்றில் தூங்கா நகரம் லைவ் சூட்டிங்!

2010-04-28T20:09:00.000-07:00

மதுரை வைகை ஆற்றில் கள்ளழகர் இறங்கிய காட்சியை தூங்கா நகரம் படக்குழுவினர் படமாக்கினார்கள். மத்திய அமைச்சர் அழகிரியின் மகன் தயாநிதி அழகிரி தயாரிப்பில் உருவாகி வரும் புதிய படம் தூங்கா நகரம். மதுரையின் பெருமையை பறைசாற்றும் வகையில் எடுக்கப்பட்டு வரும் இந்த படத்தில் 'பசங்க' படத்தில் நடித்த விமல், 'நாடோடிகள்' படத்தில் கலக்கிய பரணி, 'ரேணிகுண்டாவில்' அமைதியாக வந்து அமர்க்களம் பண்ணிய நிஷாந்த் (குண்டு பார்ட்டி) ஆகியோர் முக்கிய வேடங்களில் நடிக்கிறார்கள். அஞ்சலி நாயகியாக நடிக்கிறார். கே.எஸ்.ரவிக்குமாரிடம் உதவியாளராக இருந்த அனுபவத்துடன் புதுமுக டைரக்டர் கவுரவ் இப்படத்தை இயக்கி வருகிறார்.

இந்த படத்தின் சூட்டிங் மதுரையின் முக்கிய பகுதிகளில் நடந்து வருகிறது. அதன் ஒரு பகுதியாக வைகை ஆற்றில் கள்ளழகர் இறங்கும் காட்சியையும் படமாக்க தூங்கா நகரம் குழுவினர் திட்டமிட்டிருந்தனர். அதன்படி இன்று காலை வைகை ஆற்றில் அழகர் இறங்கிய காட்சி படமாக்கப்பட்டது. அழகர் ஆற்றில் இறங்கியபோது லட்சக்கணக்கான பக்தர்களுக்கு நடுவே படத்தின் நாயகர்கள் விமல், பரணி, நிஷாந்த் ஆகியோரும், தூங்கா நகரம் படக்குழுவினரும் ஆற்றுக்குள் தயாராக நின்றனர். டைரக்டர் ஷாட் ரெடி சொன்னதும், கிளாப் அடித்து படப்பிடிப்பை தொடங்கினார்கள். நாயகர்கள் மூன்று பேரும் உற்சாகத்துடன் துள்ளிக் குதித்து கோஷமிடுவது போல நடித்தனர். அதனை ஒளிப்பதிவாளர் படமாக்கினார். இதற்காக தனி மேடை அமைத்து சினிமாப்பட குழுவினர் படப்பிடிப்பை நடத்தினார்கள். மதுரை சித்திரை திருவிழாவின் முத்திரை பதிக்கும் நிகழ்வான அழகர் ஆர்ர்ர்ரில்

இறங்கும் நிகழ்வு லைவ்வாக தூங்கா நகரத்தில் இடம்பிடிப்பது ஹைலைட் சமாச்சாரமாக இருந்தாலும், லட்சக்கணக்கான பக்தர்கள் பக்தி பரவசத்துடன் அழகரை தரிசித்துக் கொண்டிருக்கும் நேரத்தில் சினிமா சூட்டிங் தளம்போல கிளாப் அடித்து, ஷாட் ரெடி என்றெல்லாம் கூறி படப்பிடிப்பு நடத்தியது பக்தர்கள் சிலரை முகம்சுளிக்க வைத்ததென்னவோ உண்மைதான்!

இலங்கையில் தமிழ் சினிமாவுக்கு தடை!

2010-04-28T20:08:00.000-07:00

இலங்கையில் நடைபெறும் திரைப்பட விழாவுக்கு நாம் தமிழர் இயக்கத்தை சேர்ந்தவர்கள் எதிர்ப்பு குரல் கொடுத்து வரும் நிலையில் தமிழ் சினிமா ஒன்றிற்கு இலங்கையில் தடை விதிக்கப்பட்டுள்ளது. கின்னஸ் சாத‌னைக்காக 12 நாட்களில் உருவாக்கப்பட்ட படம் சிவப்பு மழை. உலகிலேயே மிக குறைந்த நாட்களில் தயாரான முழுநீள பொழுதுபோக்கு படம் இதுதான்.

இந்த படத்தில் சுரேஷ் ஜோகிம் நாயகனாகவும், மீராஜாஸ்மின் நாயகியாகவும் நடித்திருக்கிறார்கள். டைரக்டர் கிருஷ்ணமூர்த்தி இயக்கியுள்ளார். படத்தின் கதைப்படி, இலங்கை ராணுவத்தால் பாதிக்கப்பட்ட ஒரு இளைஞன் தமிழ்நாட்டுக்கு வந்து, மத்திய அமைச்சரின் மகளை கடத்தி, தனது கோரிக்கையை நிறைவேற்றிக் கொள்கிறான். சமீபத்தில் திரைக்கு வந்த இந்த படம், இப்போது தமிழ்நாடு முழுவதும் ஓடிக்கொண்டு இருக்கிறது. இந்த படத்துக்கு, இலங்கையில் தடை விதிக்கப்பட்டு இருக்கிறது. இலங்கை ராணுவத்தால் பாதிக்கப்பட்ட இளைஞர் பற்றிய கதையம்சம் கொண்ட படம் என்பதால் இலங்கையில் இப்படத்துக்கு தடை விதித்திருப்பதாக தகவல்கள் தெரிவிக்கின்றன.

பிரபுதேவாவுக்கு நயன்தாரா கொடுத்த காதல் பரிசு

2010-04-28T20:07:00.001-07:00

நடிகை நயன்தாரா - நடிகர் பிரபுதேவா இடையே காதல் என்ற செய்தி அதர பழசாகி விட்டாலும், இவர்களது காதல் குறித்த செய்தி மட்டும் புதிது புதிதாக வந்து கொண்டே இருக்கிறது. அந்த வகையில் புதிதாக வெளியாகியிருக்கும் செய்தி பிரபுதேவாவுக்கு, நடிகை நயன்தாரா வைர டாலர் பதித்த தங்க செயினை காதல் பரிசாக வழங்கியிருக்கிறார் என்பதுதான். பிரபுதேவாவுக்கு ஏற்கனவே திருமணம் ஆகி ரமலத் என்ற மனைவியும், 2 குழந்தைகளும் இருக்கும் நிலையில் நயன்தாராவுடன் காதல் வயப்பட்டார்.

நயன்தாராவும் சிம்புவுடனான காதல் முறிவுக்கு பிறகு ஆறுதலுக்காக பிரபுதேவாவிடம் நட்பாக பழக ஆரம்பித்து மனதை பறிகொடுத்தார். காதல் ஜோடிகளாக சென்னைக்கும், மும்பைக்கும் பறந்து கொண்டிருக்கும் பிரபுதேவாவும், நயன்தாராவும் தங்களது காதலை இதுவரை வெளிப்படையாக தெரிவிக்க வில்லை. இதுபற்றி நிருபர்கள் கேள்வி கேட்டால், அது எங்கள் சொந்த விஷயம், பர்சனல் கேள்விகள் வேண்டாமே... என்று ஒற்றை வரியில் பதில் சொல்லி முடித்து விடுகிறார்கள்.

கடந்த மூன்று மாதங்களுக்கு முன் கேரளாவில் இந்த காதல் ஜோடிகளுக்கு திருமணம் ஆகி விட்டது என்ற செய்தி வெளியானது. ஆனால் அதனை உடனடியாக இருவருமே மறுத்தனர். இந்நிலையில் நயன்தாரா தனது காதல் பரிசாக பிரபுதேவாவுக்கு வைர டாலர் பதித்த தங்கச் சஙகிலியை அணிவித்து இருக்கிறார். பிரவு தேவாவின் கழுத்தில் தொங்கும் அந்த செயின் டாலரில் என் (நயன்தாரா) பி (பிரபுதேவா) என்று பதிக்கப்பட்டுள்ளன. காதலி அளித்த காதல் பரிசு செயினை பிரபுதேவா எப்போதும் தன் கழுத்திலேயே அணிந்திருக்கிறாராம்.

இளைஞன் பட சூட்டிங்கை தொடங்கி வைத்தார் கருணாநிதி

2010-04-28T20:05:00.000-07:00

முதல்வர் கருணாநிதி கதை வசனத்தில் உருவாகவிருக்கும் புதிய படமான இளைஞன் படத்தின் சூட்டிங் இன்று தொடங்கியது. முதல்வர் கருணாநிதி ஆக்ஷன் சொல்லி சூட்டிங்கை தொடங்கி வைத்தார். இதுவரை 74 படங்களுக்கு கதை- வசனம் எழுதியிருக்கும் முதல்வர் 75வதாக இளைஞன் படத்திற்கு கதை வசனம் எழுதியிருக்கிறார். டைரக்டர் சுரேஷ் கிருஷ்ணா படத்தை இயக்குகிறார். பா.விஜய் ஹீரோ. அவருக்கு ஜோடியாக ரம்யா நம்பீசன், மீனாட்சி நடிக்கின்றனர். மேலும், வடிவேலு, சுமன், நாசர், குஷ்பு, மணிவண்ணன் உட்பட பலர் நடிக்கின்றனர். பி.சி ஸ்ரீராமின் உதவியாளர் சஞ்சய் ஒளிப்பதிவு செய்கிறார். வித்யாசாகர் இசை அமைக்கிறார். இணை தயாரிப்பு பெஞ்சமின்.

டைரக்டர் சுரேஷ் கிருஷ்ணா இயக்கும் 50வது படமான இளைஞன் படப்பிடிப்பை முதல்வர் கருணாநிதி தொடங்கி வைத்தார். உற்சாகத்துடன் சூட்டிங் ஸ்பாட்டுக்கு வந்த முதல்வர் கருணாநிதி மைக்கில் ஆக் ஷன் என்று சொல்லி படப்பிடிப்பை தொடங்கி வைத்தார். பா.விஜய், மணிவண்ணன், நிழல்கள் ரவி உள்ளிட்ட நடிகர்கள் முதல் காட்சியில் நடித்தனர். நிகழ்ச்சியில் நடிகை ரம்யா நம்பீசன், தயாரிப்பாளர் ராம.நாராயணன், கவிஞர் வைரமுத்து, அமைச்சர்கள் எ.வ.வேலு, பொன்முடி, மற்றும் திரையுலக பிரமுகர்கள் கலந்து கொண்டனர்.

சூட்டிங்கை தொடங்கி வைத்த பின்னர் நடிகர் நடிகைககள் முதல்வர் கருணாநிதியுடன் சேர்ந்து நின்றபடி உற்சாகமாக போட்டோ எடுத்துக் கொண்டனர்.

குஷ்புவுக்கு, கருணாநிதி கொடுக்கப்போகும் முக்கிய பதவி!

2010-04-23T19:47:00.001-07:00

பெண்களின் கற்பு பற்றி ‌பேசி பரபரப்பை ஏற்படுத்திய நடிகை குஷ்புவுக்கு, முதல்வர் கருணாநிதி அரசியலில் மிகமுக்கிய பதவியை கொடுக்கப் போவதாக தகவல்கள் வெளியாகியுள்ளன. திருமணத்துக்கு முன்பு ஆணும், பெண்ணும் செக்ஸ் உறவு வைத்துக் கொள்வது கர்ப்பமாகாமல் பார்த்துக் கொண்டால் தவறு இல்லை, என்று சர்ச்சைக்குரி கருத்தினை சொல்லி தமிழக மக்களின் எதிர்ப்பை சம்பாதித்தவர் நடிகை குஷ்பு.

இதுதொடர்பான வழக்கில் சுப்ரீம்கோர்ட் குஷ்புவின் கருத்துக்கு ஆதரவு தெரிவித்துள்ளது. இதனால் இனி செக்ஸ் பற்றி எனது இஷ்டத்துக்கு கருத்து சொல்வேன், என்று கூறியிருக்கும் குஷ்பு, தற்போது கலைஞர் டி.வியின் பிரதான நிகழ்ச்சி தொகுப்பாளராக வலம் வருகிறார்.

இந்தநிலையில்தான் குஷ்புவுக்கு அரசியிலில் மிக முக்கிய பதவியை கொடுக்க முதல்வர் கருணாநிதி முடிவு செய்திருப்பதாக தகவல்கள் வெளியாகியுள்ளன. தமிழகத்தில் புதிதாக அமையவுள்ள தமிழக மேல்சபையில் கலைத்துறையை சேர்ந்தவர்களுக்கும் கணிசமாக பிரதிநிதித்துவம் கொடுக்க முடிவு செய்திருக்கும் முதல்வர் கருணாநிதி, குஷ்புவுக்கு எம்.எல்.சி. பதவியை கொடுக்கப் போகிறாராம். இதுபற்றி அதிகாரப்பூர்வ அறிவிப்பு இன்னமும் வெளிவராவிட்டாலும், அரசியல் வட்டாரத்திலும், சினிமா வட்டாரத்திலும் அரசல் புரசலாக பேசிக் கொள்கிறார்கள்.

குஷ்பு தவிர மேலும் சில நட்சத்திரங்களுக்கும் பொறுப்பு வழங்கப்படலாம் என்றும் கூறப்படுகிறது. ஏற்‌கனவே நடிகை குஷ்புவுக்கு நடிகர் நல வாரியத்தில் முக்கியத்துவம் அளிக்கப்பட்டுள்ளது குறிப்பிடத்தக்கது. எதுவாக இருந்தாலும் அதிகாரப்பூர்வ அறிவிப்பு வந்த பிறகே நம்புவோம்.

சென்னையில் வாடகை வீடு தேடுகிறார் அனுஷ்கா

2010-04-23T19:45:00.000-07:00

தமிழில் அடுத்தடுத்த வாயப்புகள் கைப்பேசி மூலம் சிணுங்கிக் கொண்டு வருவதால் சென்னையிலேயே முகாமி‌டத் திட்டமிட்டிருக்கும் நடிகை அனுஷ்கா, வாடகைக்கு வீடு தேடும் படலத்தையும் தொடங்கியிருக்கிறார். ரெண்டு படத்தில் மாத‌வனுக்கு ஜோடியாக தமிழில் அறிமுகமானவர் நடிகை அனுஷ்கா. மெழுகு பொம்மை போல அந்த படத்தில் தோன்றியிருந்தாலும், தமிழில் அடுத்த பட வாய்ப்பு எதுவும் கிடைக்கவில்லை.

இதனால் நொந்துபோன அனுஷ்கா மீண்டும் தெலுங்கு சினிமா பக்கமே போனார். பின்னர் தெலுங்கில் வெளியாகி ‌சக்கை போடு போட்ட அருந்ததீ படத்தை தமிழில் ரீ-மேக் செய்து வெளியிட்டதன் மூலம் தமிழில் பிரபலமானார் அனுஷ்கா. அருந்ததீயில் அம்மணியின் நடிப்பை பார்த்து பிரமித்துப் போன இயக்குனர்களும், தயாரிப்பாளர்களும் அனுஷ்காவிடன் கால்ஷீட் கேட்டு வரிசையில் நிற்க ஆரம்பித்தனர்.

ஆனால் அம்மணியோ கதை பிடித்திருந்தால் மட்டுமே நடிப்பேன். தெலுங்கு அளவுக்கு கிளாமராக நடிக்க மாட்‌டேன் என்று வழக்கமான கண்டிஷன்களுடன் களத்தில் குதித்தார். வேட்டைக்காரன் படத்தில் நடித்து முடித்திருக்கும் அவர் தற்போது சிங்கம் படத்தில் நடித்து வருகிறார். அதனைத் தொடர்ந்து ஏராளமான பட வாய்ப்புகள் வருகின்றன. ஆனால் தெலுங்கில் ஏற்கனவே கமிட் ஆன 2 படங்களை முடித்து விட்டுத்தான் தமிழில் கால்ஷீட் கொடுப்பது என்று முடிவு செய்திருக்கிறாரார் அனுஷ்கா.

அதேநேரம் தமிழில் தனது மார்க்கெட் நிலவரத்தை கருத்தில் கொண்டு, சென்னையிலேய முகாமிட்டு தமிழ்ப்படங்களில் நடிக்கவும் திட்டமிட்டிருக்கிறாராம். இதற்காக சென்னையில் வாடகைக்கு வீடு எடுக்க தேடுதல் வேட்டையில் குதித்திருக்கிறார். எந்த வகையிலும் தனது பிரைவேஸியை பாதிக்காத வகையில் இருக்கும்படி வீடு பார்க்கச் சொல்லி புரோக்கர்களை அணுகியிருக்கும் அனுஷ்காவுக்கு, இன்னமும் எதிர்பார்த்தபடி வீடு கிடைக்கவில்லையாம். தற்போது ஆந்திராவுக்கும், தமிழகத்துக்கும் பறந்து கொண்டிருக்கும் அனுஷ்கா சென்னைவாசியாகவே மாறப்போகும் காலம் நெருங்கிக் கொண்டிருக்கிறது என்கிறது கோடம்பாக்கத்து தகவல்.

இலங்கை அழைப்பிதழை வாங்க மறுத்த தமிழ் ஹீரோக்கள்

2010-04-23T19:32:00.001-07:00

இலங்கையில் நடை‌பெறவுள்ள திரைப்பட விழாவில் பங்கேற்க வருமாறு அனுப்பப் பட்ட அழைப்பிதழை வாங்க தமிழ் சினிமாவின் முன்னணி ஹீரோக்கள் மறுத்துள்ளனர் என்பதுதான் கோலிவுட்டின் லேட்டஸ்ட் பரபரப்பு டாக். இலங்கை தலைநகர் கொழும்பில் வருகிற ஜூன் மாதம் 3ம்தேதி முதல் 5ம்தேதி வரை ஐ.ஐ.எப்.ஏ. எனப்படும் சர்வதேச இந்திய திரைப்பட விருது வழங்கும் விழா நடக்கிறது. இதில் சிறப்பு விருந்தினர்களாக பாலிவுட் நடிகர் அமிதாப் பச்சன் அவரது மகன் அபிஷேக் பச்சன், மருமகள் ஐஸ்வர்யா ராய் உள்ளிட்டோர் கலந்து கொள்கிறார்கள்.

இந்த விழாவில் பங்கேற்க வருமாறு தமிழின் முன்னணி நாயகர்களுக்கு இலங்கை அரசு சார்பிலும், அமிதாப் பச்சன் சார்பிலும் அழைப்பிதழ் அனுப்பப் பட்டிருக்கிறாம். இலங்கையில் நடக்கும் விழா என்பத‌ால் அழைப்பிதழை பார்த்து முன்னணி நாயகர்கள் பலரும் மிரண்டு போய் இருக்கிறார்களாம். அதுபற்றி கருத்து சொல்லக் கூட ஒருவரும் முன்வரவில்லை. கமல்ஹாசன், அஜித், விஜய் என முன்னணி நாயகர்கள் அழைப்பிதழுக்கு எந்த ரீயாக்ட்டும் காட்டாமல் புறக்கணித்து விட்டதால், இலங்கையும், தமிழ் சினிமாவும் எந்த அளவு பிரிக்க முடியாதது என்பதை உணர்த்த விழாக்குழுவினர், இரண்டாம் கட்ட நடிகர்களுக்கு வலைவீசி வருவதாக தகவல்.

அதே நேரம் இந்த விவகாரத்தில் வசமாய் மாட்டிக் கொண்டிருப்பவர் டைரக்டர் மணிரத்னம் என்று கூறப்படுகிறது. மணிரத்னம் தயாரிப்பில் உருவாகியிருக்கும் ராவணா படத்தை இலங்கை திரைப்பட விழாவில் திரையி‌ட திட்டமிட்டிருக்கும் விழாக்குழுவினர், மணிரத்னத்துக்கும் அழைப்பு விடுத்துள்ளனர். இலங்கை விழாவில் கலந்து கொண்டால், தன் மீது பெரும் மதிப்பு வைத்திருக்கும் தமிழ் ரசிகர்களின் கோபத்தை சம்பாதிக்க வேண்டியிருக்குமே என்ற குழப்பத்தில் இருக்கிறாராம் மணி.

கருணாநிதி ‌தலைமையில் ஒய்.ஜி.மகேந்திரனுக்கு பாராட்டு விழா

2010-04-23T19:29:00.001-07:00

11 வயதில் பெற்றால்தான் பிள்ளையா? நாடகத்தின் மூலம் கலையுலகில் நுழைந்து கடந்த 50 ஆண்டுகளாக 7500க்கும் மேற்பட்ட காட்சிகளை நடத்தியிருக்கும் நடிகர் ஒய்.ஜி.மகேந்தினுக்கு முதல்வர் கருணாநிதி தலைமையில் பாராட்டு விழா நடைபெறுகிறது. மறைந்த நடிகர் ஒய்.ஜி.பார்த்தசாரதியின் மகன் ஒய்.ஜி.மகேந்திரன். இவர் தனது 11 வயதில் நடித்த முதல் நாடகமான பெற்றால்தான் பிள்ளையா? என்ற நாடகம்தான் பின்னர் சிவாஜிகணேசன் நடித்து பார் மகளே பார் என்ற பெயரில் திரைப்படமாக வந்தது. வெற்றிகண்டது. 7500க்கும் மேற்பட்ட நாடக காட்சிகளை நடத்தியிருக்கும் ஒய்.ஜி.மகேந்திரனன் 300க்கும் மேற்பட்ட படங்களிலும் நடித்திருக்கிறார்.

இவருடைய 60வது நாடகம், வியட்நாம் வீடு. இது, மறைந்த சிவாஜி கணேசன் நடித்த நாடகம். சிவாஜி நடித்த பிரஸ்டீஜ் பத்மநாபன் வேடத்தில், ஒய்.ஜி.மகேந்திரன் நடித்து வருகிறார். இந்நிலையில் ஒய்.ஜி.மகேந்திரனுக்கு சென்னை காமராஜர் அரங்கில் வரும் 30ம்தேதி மாலை 6 மணிக்கு பாராட்டு விழா நடக்கிறது. விழாவுக்கு, முதல்வர் கருணாநிதி தலைமை தாங்கி, ஒய்.ஜி.மகேந்திரனைப் பாராட்டிப் பேசுகிறார். நிகழ்ச்சியில் கமல்ஹாசன், டைரக்டர் கே.பாலசந்தர், கவிஞர் வைரமுத்து உள்ளிட்டோரும் கலந்து கொள்கிறார்கள்.

தமிழகத்தில் 1000 தியேட்டர்கள் மூடல்!

2010-04-23T19:27:00.001-07:00

தமிழகத்தில் சுமார் 1000 தியேட்டர்கள் நஷ்டத்தால் மூடப்பட்டுள்ளன. இதனால் இருக்கிற தியேட்டர்களை காப்பாற்றுவதற்காக முன்னணி நடிகர்கள் மற்றும் முன்னணி டைரக்டர்களுக்கு விநியோகஸ்தர்கள் திடீர் கட்டுப்பாடு விதித்துள்ளனர். தமிழ்நாடு திரைப்பட விநியோகஸ்தர்களின் சிறப்பு கூட்டம் சென்னையில் நடந்தது.

தமிழ்நாடு திரைப்பட விநியோகஸ்தர்கள் கூட்டமைப்பு தலைவர் எஸ்.பாலாஜி தலைமை தாங்கினார். செயலாளர் ஏ.பிரான்சிஸ் முன்னிலை வகித்தார். சென்னை - காஞ்சிபுரம் - திருவள்ளூர் மாவட்ட விநியோகஸ்தர்கள் சங்க தலைவர் கலைப்புலி ஜி.சேகரன், கோவை மாவட்ட விநியோகஸ்தர்கள் சங்க பொதுச்செயலாளர் திருப்பூர் சுப்பிரமணியம், நாகராஜராஜா உள்பட அனைத்து மாவட்ட வினியோகஸ்தர்கள் சங்க நிர்வாகிகள் கலந்துகொண்டார்கள்.

கூட்டத்தில் பேசிய நிர்வாகிகள், தமிழ் திரைப்பட தயாரிப்பாளர்களும், வினியோகஸ்தர்களும், திரையரங்கு உரிமையாளர்களும் சமீபகாலமாக மிகப்பெரிய நஷ்டத்தை சந்தித்து வருகிறார்கள். தமிழகத்தில் இருந்த 2 ஆயிரம் திரையரங்குகளில் பாதிக்கு மேல் சுமார் 1,000 திரையரங்குகள் மூடப்பட்டுவிட்டன, என்று வேதனை தெரிவித்தனர். இதனால் இருக்கிற தியேட்டர்களையும், விநியோகஸ்தர்களையும், தயாரிப்பாளர்களையும் காப்பாற்றி, சினிமா தொழிலை காப்பாற்றுவதற்காக முன்னணி நடிகர்கள் மற்றும் முன்னணி டைரக்டர்களுக்கு கட்டுப்பாடு விதிக்க முடிவு செய்திருப்பதாகவும் நிர்வாகிகள் தெரிவித்தனர்.

அதன்படி, இனிவரும் காலங்களில் எந்த ஒரு பெரிய பட்ஜெட் படம் (ரூ.10 கோடிக்கு மேல் எடுக்கப்படும் படம்) நஷ்டத்தை சந்திக்குமானால், அந்த படத்தில் பணியாற்றிய முன்னணி நடிகர்கள் மற்றும் டைரக்டர்கள், இசையமைப்பாளர்கள் அடுத்த `கால்ஷீட்' அதே தயாரிப்பாளர்களுக்கு கொடுத்து, அந்த நஷ்டத்தை ஈடுகட்டித்தர ஒத்துழைப்பு தர வேண்டும் என்றும், மேற்படி தயாரிப்பாளர் மேற்படி படத்தை அதே விநியோகஸ்தர்களுக்கும், அதே திரையரங்கு உரிமையாளர்களுக்கும் கொடுத்து, அவர்களது நஷ்டத்தை ஈடுகட்டித் தரவேண்டும் என்றும் ஏகமனதாக தீர்மானம் நிறைவேற்றப்பட்டது

மீண்டும் தலைதூக்கும் தசாவதாரம் கதை சர்ச்சை

2010-04-23T19:25:00.000-07:00

தசாவதாரம் சினிமா கதை யாருடையது என்ற சர்ச்சை மீண்டும் தலை தூக்கியுள்ளது. அந்த விவகாரத்தில் கமல்ஹாசன் மீது வழக்குப் பதிவு செய்யப்பட்டுள்ளதா? என்று அரசிடம் சென்னை ஐகோர்ட் விளக்கம் கேட்டுள்ளது. தசாவதாரம் கதை சர்ச்சை தொடர்பாக சென்னை ஐகோர்ட்டில் தாம்பரத்தை சேர்ந்த சினிமா உதவி இயக்குனர் செந்தில்குமார் ஒரு மனு தாக்கல் செய்துள்ளார்.

அதில், தசாவதாரம் வெளியிடப்படுவதற்கு முன்பே அதற்கான கதையை நான் எழுதியிருந்தேன். இந்த கதைக்கு 10 வேடங்களில் நடிப்பதற்கு கமல்ஹாசன் தான் பொருத்தமாக இருப்பார் என்பதால் ஆழ்வார்பேட்டையில் உள்ள அவரது அலுவலகத்துக்கு தபால் மூலம் இந்த கதையை அனுப்பி வைத்தேன்.

அந்த தபாலை முரளி என்பவர் பெற்றுக்கொண்டார். அதன் பின்பு என்னிடம் யாரும் எந்த தொடர்பும் கொள்ளவில்லை. இந்த நிலையில் `தசாவதாரம்' படம் வெளியானது. நான் எழுதிய கதையை படமாக தயாரித்து வெளியிட்டிருந்தனர். எனவே, கமல்ஹாசன் உள்ளிட்டோர் மீது மோசடி வழக்கு தொடர வேண்டும் என்று சென்னை போலீஸ் கமிஷனரிடம் மனு கொடுத்தேன். மேலும், தாம்பரம் மாஜிஸ்திரேட் கோர்ட்டிலும் இதுதொடர்பாக வழக்கு தொடர்ந்தேன். இந்த விவகாரம் தொடர்பாக ஆழ்வார்பேட்டை போலீசில் புகார் கொடுப்பதற்கு மாஜிஸ்திரேட் உத்தரவிட்டார். எனவே, ஆழ்வார்பேட்டை போலீசிலும் நான் புகார் கொடுத்தேன். இதுவரை எந்தவொரு வழக்கும் பதிவு செய்யப்படவில்லை. இந்த புகார் கொடுத்த நேரத்தில் கமல்ஹாசன் பெயரில் எனக்கு கொலை மிரட்டல் விடுக்கப்பட்டது. எனவே, மோசடி மற்றும் கொலை மிரட்டல் குற்றப்பிரிவின் கீழ் அவர் மீது புகார் கொடுத்துள்ளேன். இந்த வழக்கை பதிவு செய்ய போலீசாருக்கு உத்தரவிட வேண்டும், என்று கூறியுள்ளார்.

செந்தில்குமாரின் இந்த மனு, நீதிபதி ஆர்.ரகுபதி முன்பு விசாரணைக்கு வந்தது. அரசு தரப்பில் ஆஜரான வக்கீல், இந்த விவகாரம் குறி்தது ஆழ்வார்பேட்டை போலீசில் இதுவரை யாரும் புகார் கொடுக்கவில்லை, என்று வாதிட்டார். அதைத்தொடர்ந்து நீதிபதி, `இதுபோன்ற புகார் வந்திருக்கிறதா, வந்திருந்தால் அதன்மீது என்ன நடவடிக்கை எடுக்கப்பட்டது? என்பது பற்றி பதில் அளிக்க வேண்டும்' என்று அரசு வக்கீலுக்கு உத்தரவிட்டார்.

நடுரோட்டில் போதையில் மயங்கி விழுந்தாரா சோனா?

2010-04-21T18:42:00.000-07:00

நடிகை சோனா பெங்களூரு - மைசூரு சாலையில் மயங்கி விழுந்தார். அவர் போதையில் மயங்கி விழுந்ததாக கோலிவுட்டில் பரபரப்பாக பேசிக் கொள்கிறார்கள். பத்து பத்து படத்தின் மூலம் தமிழ் சினிமா ரசிகர்களுக்கு அறிமுகமானவர் நடிகை சோனா. நமீதாவுக்கு போட்டியாக வளர்ந்து வந்த சோனா குசேலன் படத்தில் வடிவேலுவுடன் ஜோடி சேர்ந்தார். அதன் பின்னர் சொந்தமாக படத் தயாரிப்பில் களமிறங்கியிருக்கும் சோனா, தற்போது 2010 பாக்யராஜ் என்ற படத்தை எடுத்து வருகிறார்.

படப்பிடிப்பிற்கான லொகேஷன் பார்ப்பதற்காக தனது உதவியாளர்களுடன் பெங்களூருவில் முகாமிட்டிருந்த சோனா, அங்கிருந்து மைசூரு புறப்பட்டார். காரில் போய்க் கொண்டிருந்தபோது ஒரு இடத்தில் காரை நிறுத்தச் சொல்லி கீழே இறங்கியிருக்கிறார் சோனா. அப்போது திடீரென அவர் மயங்கி விழுந்தார். சோனாவுடன் சென்றவர்கள் இதனை சற்றும் எதிர்பார்க்கவில்லை.

நடுரோட்டில் மயங்கி விழுந்த சோனாவின் தலையிலும், கால்களிலும் காயம் ஏற்பட்டது. உடனடியாக அவரை சிகிச்சைக்காக அருகில் உள்ள தனியார் மருத்துவமனைக்கு தூக்கிச் சென்றனர். அங்கு அவருக்கு டாக்டர்கள் தீவிர சிகிச்சை அளித்து வருகிறார்கள்.

நடிகை சோனா குடிபோதையில் காரை நிறுத்தச் சொன்னதாகவும், போதை அதிகமானதால் மயங்கி விழுந்து விட்டதாகவும் கோலிவுட்டில் பரபரப்பாக பேசப்பட்டு வருகிறது. ஆனாலும் அவர் ஏன் காரை நிறுத்தச் சொன்னார், எதற்காக மயங்கி விழுந்தார் என்ற விவரம் தெரியவில்லை.

கமல் நடிக்கும் புதிய படம் காருண்யம்

2010-04-21T18:40:00.000-07:00

நடிகர் கமல்ஹாசன் அடுத்த நடிக்கவிருந்த புதிய படத்திற்கு யாவரும் கேளீர் என்று பெயர் சூட்டியிருந்தனர். உதயநிதி ஸ்டாலின் தயாரிப்பில், டைரக்டர் கே.எஸ்.ரவிக்குமார் இயக்கும் இந்த படத்தில் கமலுக்கு ஜோடியாக நடிகை த்ரிஷா நடிக்கவுள்ளார். நடிகர் மாதவனும், கண்ணதாசனின் மகள் விசாலி கண்ணதாசனும் முக்கிய கேரக்டரில் நடிக்கிறார்கள்.

முழுநீள காமெடி படமாக உருவாகவிருக்கும் இப்படத்தின் டைட்டிலை இப்போது காருண்யம் என்று மாற்றியிருக்கிறார்கள். முக்கோண காதல் கதையான காருண்யம் படத்திற்கு தேவிஸ்ரீ பிரசாத் இசையமைக்கிறார். இவர் ஏற்கனவே தசாவதாரம் படத்திற்கு பின்னணி இசை மட்டும் அமைத்திருக்கும் தேவிஸ்ரீ இப்படத்தில் முழு இசையையும் கவனிக்கப் போகிறார்.

இதேபோல அன்பே சிவம் படத்திற்கு பிறகு மாத‌வன் கமலுடன் இணையும் படம் இது. காருண்யம் படத்தின் ஆரம்ப கட்ட பணிகள் விறுவிறுப்பாக நடந்து வருகிறது.

கஞ்சா கருப்பு வாய்ப்பை பறித்த ஆபாச காமெடியன்

2010-04-21T18:39:00.001-07:00

தமிழ் சினிமாவில் தனது நகைச்சுவை திறனால் முன்‌னேறி வந்து கொண்டிருப்பவர் நடிகர் கஞ்சா கருப்பு. தான் சம்பாதிக்கும் பணத்தில் ஒரு பகுதியை ஏழை குழந்தைகளின் கல்விக்கு கொடுத்து உதவி வரும் கஞ்சா கருப்பு, "மழைக்குக் கூட பள்ளிக்கூடம் பக்கமா ஒதுங்குனதில்லண்ணே. எப்படியாச்சும் ஏழை பிள்ளைக படிக்குறதுக்கு ஒரு பள்ளிக்கூடம் கட்டி இலவசமா பாடம் சொல்லிக் கொடுக்கணும்ணே" என்று அடிக்கடி சொல்வார்.

இயக்குநர் பாலாவால் பிதாமகனில் அறிமுகமான கஞ்சா கருப்பு, தொடர்ந்து ராம், சண்டைக்கோழி, பருத்தி வீரன், நாடோடிகள் என பல வெற்றிப் படங்களில் நடித்துள்ளார். இந்நிலையில் டைரக்டர் ஹரி அடுத்து இயக்கவிருக்கும் புதிய படமொன்றில் நடிக்க கஞ்சா கருப்பு ஒப்பந்தமாகியிருந்தார். முதலில் சின்ன கலைவாணர் என்று தன்னைத்தானே சொல்லிக் கொள்ளும் ஆபாச காமெடியனைத்தான் படத்தின் காமெடி ட்ராக்கில் நடிக்க வைக்க வேண்டும் என விரும்பிய ஹரி, அதன் பின்னர் அவர் பண்ணும் அலும்பை பார்த்து முடிவை மாற்றிக் கொண்டாராம்.

கஞ்சா கருப்பு ஒப்பந்தமானது பற்றி கேள்விப்பட்ட ஆபாச காமெடியன், ஹரியிடம் போனில் பேசி ஆடாத ஆட்டமெல்லாம் ஆடி, சைலண்டாக ஹரி படத்தில் புக் ஆகி விட்டாராம். முதலில் ஒப்பந்தமான கஞ்சா கருப்பு, ஆபாச காமெடியனின் இந்த ஆட்டத்தால் நெறுங்கிப் போயிருக்கிறார். "படத்துல நடிக்க யாரையாவது பேசி அட்டுவான்சு வாங்குன பொறவு நான் அதுல தலையிட்டு இருக்கேனா?

ஆனா இந்தாளு என்னைய கேட்கிறாங்கன்னு தெரிஞ்ச பொறவும் கேம் ஆடுனா அத பத்தி என்னான்னு சொல்றது" என்கிறார் ஆவேசத்துடன். "அரியண்ணேந்தான் இதுக்கு ஒரு முடிவ சொல்லணும்" என்று அவருக்கும் ஒரு போன் போட, "அடுத்த படத்தில நீங்க கட்டாயம் இருக்கிங்க" என்று சமாளித்தாராம் டைரக்டர்.

ரஞ்சிதா மீது நடவடிக்கை கோரி வழக்கு!

2010-04-21T18:38:00.000-07:00

சாமியார் நித்தியானந்தருடன் உல்லாசமாக இருந்த நடிகை ரஞ்சிதா மீது நடவடிக்கை எடுக்கக் கோரி வழக்கு தொடரப்பட்டு உள்ளது. நடிக‌ை ரஞ்சிதாவும், சாமியார் நித்தியானந்தாவும் உல்லாசமாக இருக்கும் வீடியோ காட்சிகள் கடந்த மாதம் வெளியானது. இதையடுத்து நடிகை ரஞ்சிதா தலைமறைவாகி விட்டார். சாமியார் நித்தியானந்தா மட்டும், தான் செய்ததில் எந்த தவறும் இல்லை என்று விளக்கம் அளித்தார். ஆனால் அவரும் இதுவரை வெளியில் தலை காட்டவில்லை.

இந்நிலையில் சாமியாருடன் படுக்கை அறையில் உல்லாசமாக இருந்த ரஞ்சிதா மீது நடவடிக்கை எடுக்கக் கோரி சென்னை ஐகோர்ட்டில் மூத்த வழக்கறிஞர் மனோகரன் வழக்கு தொடர்ந்துள்ளார். அதில், ஆன்மீகப் பணிகளில் பிரபலமான நித்யானந்தா சாமியாருடன் பிரபல நடிகை ரஞ்சிதா படுக்கையில் இருந்த வீடியோ காட்சிகள் வெளியாயின. நித்யானந்தாவுடன் ரஞ்சிதா இருக்கும் படங்கள் பத்திரிகைகளிலும் வெளியானது.

இது தமிழ்நாடு முழுவதும் அதிர்ச்சியை ஏற்படுத்தியது. இது போன்ற ஆபாச காட்சிகள் மக்கள் மனதை கெடுக்கக் கூடியதாகும். இளைய தலைமுறையினரும், பெண்களும் சமுதாய சீரழிவில் சிக்கிவிட இது காரணமாக அமையலாம். எனவே ஒழுங்கீன செயல்களில் ஈடுபட்ட நடிகை ரஞ்சிதா மீதும் வழக்கு பதிவு செய்ய வேண்டும்.

அவர் மீது உரிய நடவடிக்கை எடுக்க வேண்டும் என்று சென்னை போலீஸ் கமிஷனரிடம் கடந்த மாதம் தபால் மூலம் புகார் கொடுத்தேன். ஆனால், போலீஸ் கமிஷனர் என் மனு மீது எந்தவித நடவடிக்கையும் எடுக்கவில்லை. எனவே நடிகை ரஞ்சிதா மீது வழக்கு பதிவு செய்து நடவடிக்கை எடுக்க போலீசுக்கு உத்தரவிட வேண்டும், என்று கூறப்பட்டுள்ளது.

வெளிநாட்டு சூட்டிங் மோகத்தால் தவிக்கும் தமிழ் சினிமாக்காரர்கள்

2010-04-21T18:37:00.001-07:00

வெளிநாட்டு சூட்டிங் மோகத்தால் ஐரோப்பிய நாடுகளுக்கு சென்ற தமிழ் சினிமா நட்சத்திரங்கள் ஐஸ்லாந்து எரிமலை வெடிப்பால் அங்கிருந்து திரும்பி வரமுடியாமல் தவித்துக் கொண்டிருக்கிறார்கள். பருத்திவீரன், நாடோடிகள், அங்காடித்தெரு போன்று எத்தனையோ நல்ல கதையம்சமுள்ள கிராமிய படங்கள் வெற்றி பெற்றாலும், நம் தமிழ் சினிமாக்காரர்களின் வெளிநாட்டு சூட்டிங் மோகம் மட்டும் குறைந்தபாடில்லை.

அதுவுமும் முன்னணி நாயகர்கள், நாயகிகள் நடிக்கும் படமென்றால் கண்டிப்பாக வெளிநாட்டில் ஒரு பாடல் காட்சியாவது இருக்க வேண்டும் என்பது தமிழ் சினிமாவின் எழுதப்படாத நியதி.

அந்த வரிசையில் சமீபத்தில் சூட்டிங்கிற்காக லண்டன் சென்றிருந்த தமிழ் சினிமா நட்சத்திரங்கள் ஐஸ்லாந்து எரிமலை வெடிப்பால் அங்கிருந்து திரும்ப முடியாமல் தவித்துக் கொண்டிருக்கிறார்கள். சிக்கு புக்கு பட சூட்டிங்கிற்காக லண்டன் சென்றிருந்த ஆர்யா, ஸ்ரேயா ஆகியோர் அங்கிருந்து திரும்ப முடியாமல் தவிக்கிறார்கள். இதேபோல குழந்தைகளுடன் ஜாலி டூர் சென்றிருந்த குஷ்புவும் விமான போக்குவரத்து பாதிப்பால் சென்னை திரும்ப முடியாமல் தவிக்கிறார்.

“காக்க காக்க” இந்தியில் ரீமேக் ஜான் ஆபிரகாம் ஜோடியாக அசின்

2010-04-07T14:55:00.000-07:00

தமிழில் ரிலீசாகி வெற்றிகரமாக ஓடிய படம் காக்க காக்க. இதில் சூர்யா என்கவுண்டர் போலீஸ் அதிகாரியாகவும், அவருக்கு ஜோடியாக ஜோதிகாவும் நடித்து இருந்தனர்.

இப்படம் இந்தியில் ரீமேக் ஆகிறது. சூர்யா கேரக்டரில் நடிக்க இங்குள்ள முன்னணி நடிகர்கள் ஆர்வம் காட்டினர். தற்போது ஜான்ஆபிரகாமை தேர்வு செய்துள்ளனர். கதாநாயகியாக அசின் நடிக்கிறார்.

ஜெனிலியாவைத்தான் முதலில் முடிவு செய்தனர். ஆனால் அவர் வேண்டாம் என்று ஜான் கூறிவிட்டாராம். ஜெனிலியாவுக்கு பதில் அசின் பொருத்தமாக இருப்பார் என்றும் அவரே சிபாரிசு செய்துள்ளார். இதையடுத்து அசினை ஒப்பந்தம் செய்துள்ளனர்.

இந்த படம் வெற்றியடைய வேண்டும் என்பதில் ஜான்ஆபிரகாம் தீவிரமாக இருக்கிறார். அதற்கான பணிகள் நடக்கின்றன. அசின் மலையாள பாடிகார்ட் படத்தின் தமிழ் ரீமேக்கில் நடித்துக் கொண்டிருக்கிறார். இந்த படம் முடிந்ததும் “காக்க காக்க” இந்தி ரீமேக்குக்கு போகிறார். அடுத்த மாதம் படப்பிடிப்பு தொடங்குகிறது.

நித்யானந்தா வீடியோ படசர்ச்சையால் நீக்கம்: மணிரத்னத்துடன் ரஞ்சிதா சமரசம்; “ராவணன்” படத்தில் மீண்டும் நடிக்கிறார்

2010-04-07T14:52:00.000-07:00

நித்யானந்தாவுடன் நடிகை ரஞ்சிதா படுக்கை அறையில் நெருக்கமாக இருப்பது போன்ற டெலிவிஷனில் வெளியான வீடியோ பட காட்சிகளில் அதிர்ச்சியான மணிரத்னம் தனது “ராவணன்” படத்தில் இருந்து அவரை நீக்கினார்.

ராவணன் படம் மெகா பட்ஜெட்டில் தயாராகி வருகிறது. விக்ரம், அபிஷேக்பச்சன், ஐஸ்வர்யாராய் நடிக்கின்றனர். பிரியா மணியும் முக்கிய கேரக்டரில் வருகிறார்.

இந்த படத்தில் சிறு கேரக்டரிலாவது நடித்து விடவேண்டும் என பெரிய நடிகர்-நடிகைகளெல்லாம் விரும்பினர். ரஞ்சிதாவுக்கு சான்ஸ் கிடைத்தது. விக்ரமின் முறைப்பெண் வேடத்துக்கு தேர்வானார். அவர் சம்பந்தப்பட்ட சில காட்சிகள் படமாக்கப்பட்டு விட்டன. மேலும் சில சீன்களில் நடிக்க வேண்டி இருந்தது.

இந்த நிலையில் நித்யானந்தாவுடனான “ஆபாச வீடியோ படம்” அவரை விலக்க வைத்தது. ரஞ்சிதா நடித்த காட்சிகளும் நீக்கப்பட்டன. அவருக்கு பதில் வேறு நடிகையை நடிக்க வைக்க ஏற்பாடுகள் நடந்தன.

இதனால் மனம் உடைந்தார் ரஞ்சிதா. மணிரத்னத்தை தொடர்பு கொண்டு தன்னை நீக்க வேண்டாம் என்று வற்புறுத்தினார். வீடியோ பட விவரங்கள் பற்றியும் விளக்கி கூறினார்.

இதையடுத்து இருவரும் சமரசம் ஆகி உள்ளனர்.

ரஞ்சிதாவை மீண்டும் நடிக்க வைக்க மணிரத்னம் முடிவு செய்துள்ளார். விரைவில் அவர் சம்பந்தப்பட்ட காட்சிகள் படமாக்கப்பட உள்ளன.

“அங்காடி தெரு” படம் உண்மை சம்பவம்தான் -வசந்தபாலன்

2010-04-07T02:59:00.001-07:00

வசந்தபாலன் இயக்கிய அங்காடி தெரு படத்தில் ஜவுளிக்கடை, பாத்திரக்கடை விற்பனையாளர்களை முதலாளிகள் கொத்தடிமை போல் நடத்துவதாக சித்தரிக்கப்பட்டு உள்ளது. இந்த படம் பரபரப்பை ஏற்படுத்தியுள்ளது. இயக்குனருக்கு மிரட்டல்கள் வருவதாகவும் கூறப்படுகிறது.

இது பற்றி வசந்த பாலனிடம் மாலை மலர் நிருபர் கேட்டபோது அவர் அளித்த பேட்டி வருமாறு:-

என் முந்தைய வெயில் படம் கிராமத்து கதை, அதிலிருந்து முற்றிலும் மாறுபட்ட கதையொன்றை படமாக்க விரும்பினேன். அப்போது எனக்குள் உதித்த கதைதான் அங்காடி தெரு.

தியாகராயநகர் ரங்கநாதன் தெரு பகுதியில் 12 வருடத்துக்கு முன்பு சுற்றி வந்தேன். 24 மணி நேரமும் பரபரவென இயங்கும் அப்பகுதி ஒரு மர்மமாக தெரிந்தது. பெரிய கடைகளில் வேலை பார்ப்பவர்களில் இருந்து பிளாட்பாரத்தில் பட்ஸ் விற்கும் குழந்தைகள் வரை ஏதோ வாழ்வை தொலைத்தவர்களாக தெரிந்தார்கள்.

வெளியே கவர்ச்சிகரமாக பேசும் அவர்களின் இன்னொரு புறம் கவலையும் வலியும் நிறைந்ததாக இருப்பது புரிந்தது. தியாகராயநகர், ராமேஸ்வரம் தெருவில் இரவு 12.30 மணிக்கு டீ சாப்பிட்டுக் கொண்டிருந்தபோது யூனிபார்ம் அணிந்து சில இளைஞர்கள் சென்றனர்.

மாணவர்களோ என்று நெருங்கி விசாரித்தபோது ஜவுளிக்கடை விற்பனையாளர்கள் என்றனர். அதன் பிறகு அங்குள்ள ஒரு மேன்சனில் ஆறு மாதங்கள் தங்கி துப்பறியும் நிருபர்போல ரகசியமாக அவர்களின் அன்றாட நடவடிக்கைகளை கண்காணித்தேன்.

அவர்கள் சாப்பிடும் உணவு, ஆடுமாடுகளை அடைத்து வைத்த மாதிரியான தங்கும் அறைகள் போன்ற அவலங்களை தெரிந்தேன். பிறகு அவர்களின் ஆணிவேரை தேடினேன். நெல்லை, தூத்துக்குடி மாவட்டங்களில் வறுமை பிடியில் சிக்குபவர்களை அழைத்து வந்து இப்படி அடிமைகள்போல் வைத்து வேலை வாங்குவதை கண்டுபிடித்தேன்.

அவர்களை பற்றிய உண்மை சம்பவங்கள்தான் இப்படம் அவர்கள் கஷ்டத்தில் 10 சதவீதத்தைதான் சொல்லியுள்ளோம். இந்த படத்துக்காக எனக்கு கொலை மிரட்டல்கள் வரவில்லையா என்று கேட்கிறார்கள். அப்படி மிரட்டல் எதுவும் வரவில்லை.

சோகம் படத்தில் அதிகம் இருப்பதாக கூறுகின்றனர். வாழ்க்கையே சோகம் நிறைந்ததுதானே விற்பனையாளர்களாக கஷ்டப்படுபவர்களிடம் ஏது சந்தோஷம். யதார்த்தமாக இருக்க வேண்டும் என்பதற்காகவே கஷ்டங்களை வைத்தேன்.

சென்னையில் கட்டிட வேலை செய்கிற பலர் பிளாட்பாரத்தில்தான் தூங்குகிறார்கள். கொத்தனார்கள் சென்ற வேன் ஒன்று செங்கல்பட்டு அருகே தண்டவாளத்தில் நின்று எல்லோரையும் சாகடித்தது. அவற்றை படத்தில் காட்சிகளாக்கியுள்ளேன்.

தமிழகமெங்கும் இப்படத்துக்கு ரசிகர்கள் அமோக ஆதரவு அளித்துள்ளனர். கூட்டம் கூட்டமாய் வந்து பார்க்கிறார்கள். பாராட்டுகள் குவிகிறது.

இவ்வாறு வசந்தபாலன் கூறினார்.

மணிரத்னம் படத்தில் கிளைமாக்ஸ் சர்ச்சை: சீதை மனதை வெல்லும் ராவணன்?

2010-04-07T02:57:00.000-07:00

ராமாயண கதையை கருவாக வைத்து புதுப்படம் இயக்கியுள்ளார் மணிரத்னம். இப்படம் தமிழில் “அசோகவனம்” என்ற பெயரிலும் இந்தியில் “ராவணன்” என்ற பெயரிலும் தயாராகியுள்ளது.

தமிழ் பணீடத்தில் ராமன் கேரக்டரில் விக்ரமும், ராவணனாக அபிஷேக்பச்சனும் நடித்துள்ளனர். இந்தியில் ராமனாக அபிஷேக்கும் ராவணனாக விக்ரமும் வருகிறார்கள். சீதை பாத்திரத்தில் ஐஸ்வர்யாராய் நடித்துள்ளார்.

கேரளா, டெல்லி, சென்னை போன்ற பகுதிகளில் படப்பிடிப்பு நடந்துள்ளது. கதை மற்றும் கதாபாத்திரங்களின் தன்மை, காஸ்ட்யூம் போன்றவைகள் ரகசியமாக வைக்கப்பட்டுள்ளன. படப்பிடிப்புகள் கூட ஆள் நடமாட்டமே இல்லாத காட்டுப் பகுதிகளில்தான் நடந்துள்ளது.

இதன் கிளைமாக்ஸ் பற்றி பலவிதமான யூகங்கள் கிளம்பியுள்ளன. 4 விதமான கிளைமாக்ஸ்சை எடுத்து வைத்திருப்பதாக படப்பிடிப்பு குழுவினர் தெரிவிக்கின்றனர். அதில் ஒரு கிளைமாக்ஸ் சர்ச்சையை ஏற்படுத்தும்படி உள்ளதாம்.

ராவணனை யுத்தத்தில் வென்று அவனால் கடத்தி சிறை வைக்கப்பட்ட சீதையை ராமன் மீட்டு வருவதுதான் ராமாயண கதையின் கிளைமாக்ஸ். ஆனால் இதை மணிரத்னம் மாற்றியுள்ளாராம். சீதையின் மனதை ராவணன் வெல்வது போல கிளைமாக்ஸ் காட்சியொன்றை உருவாக்கியுள்ளாராம். மேலும் ராமனுடன் சீதை சேர்வது போலவும் ராமன் அல்லது ராவணன் இரு கேரக்டரில் ஒருவர் கதை முடிவது போலவும் மேலும் சில கிளைமாக்ஸ்களையும் உருவாக்கி வைத்துள்ளார்.

இதில் எந்த கிளைமாக்ஸ் படத்தில் இடம்பெறும் என்பது படப்பிடிப்பில் பங்கேற்றவர்களுக்கே புரியாத புதிராக உள்ளது. எல்லா கிளைமாக்ஸ்களையும் படத்தோடு சேர்த்து நெருக்கமானவர்களுக்கு போட்டு காட்டுவதாகவும் மெஜாரிட்டியினரின் கருத்தின்படி கிளைமாக்ஸ் காட்சியை மணிரத்னம் சேர்ப்பார் என்றும் கூறப்படுகிறது.

சினிமாவை விட்டு விலகல்! நடிகை பூஜா பரபரப்பு பேட்டி!!

2010-04-07T02:47:00.000-07:00

இனி சினிமாக்களில் நடிக்க மாட்டேன். கல்யாணம் செய்து செட்டிலாகப் போகிறேன் என்று நடிகை பூஜா அறிவித்துள்ளார். ஜே.ஜே. படத்தின் மூலம் அறிமுகமாகி ஏராளமான தமிழ் ரசிகர்களின் கனவுக்கன்னியாக திகழ்பவர் நடிகை பூஜா. தம்பி, நான் கடவுள் உள்ளிட்ட படங்களில் நடித்திருக்கும் பூஜா, இலங்கையை சேர்ந்தவர் என்று கூறப்பட்டாலும், அவரது சொந்த ஊர் கர்நாடக மாநிலம் சிருங்கேரி ஆகும். பூஜாவின் தந்தை கர்நாடகாவை சேர்ந்தவர். தாயார் சந்தியா இலங்கையை சேர்ந்தவர். இலங்கையில் தாத்தா - பாட்டி வசித்து வருவதால் பெரும்பாலான நாட்கள் பூஜா இலங்கையில் வசித்து வந்தார். ஒருசில சிங்கள படங்களிலும் நடித்திருக்கிறார்.

நான் கடவுள் படத்திற்கு பிறகு அடுத்த படங்களில் கமிட் ஆகாமல் இருந்த பூஜா, சினிமாவை விட்டு விலகுவதாக அதிரடியாக அறிவித்துள்ளார். அவரது இந்த அறிவிப்பு ரசிகர்களை பெரிதும் கவலைக்குள்ளாக்கி இருக்கிறது.

இந்த திடீர் முடிவு குறித்து நடிகை பூஜா அளித்துள்ள பேட்டி வருமாறு:-

2004ம் ஆண்டு சினிமாவுக்கு வந்தேன். எனக்கு நிறைய பட வாய்ப்புகள் வந்தாலும், எல்லாவற்றையும் ஏற்றுக் கொள்ளாமல் குறிப்பிட்ட படங்களில் மட்டுமே நடித்து வந்தேன். இந்த 6 வருடங்களில் 10 படங்களில் மட்டுமே நடித்திருக்கிறேன். தமிழில் கடைசியாக நடித்த நான் கடவுள் படம் எனக்கு நல்ல பெயரை பெற்றுத் தந்தது. இதுற்காக எல்லோருக்கும் நன்றி தெரிவித்துக் கொள்கிறேன். சிங்களத்தில் நடித்து முடித்திருக்கும் கலந்ததனுனா ஜீவிதே படம் அடுத்த மாதம் திரைக்கு வரவிருக்கிறது. இதுதான் நான் நடித்த கடைசி படமாக இருக்கும். இனிமேல் சினிமாவில் நடிக்கப் போவதில்லை என்று முடிவு எடுத்திருக்கிறேன்.

நான் ஆரம்பத்தில் சினிமாவில் நடிக்க ஆசைப்பட்டபோது, என் அப்பாவுக்கு அதில் விருப்பம் இல்லை. ஆனால் என் ஆசைக்கு குறுக்கே நிற்காமல் நடிப்பதற்கு அனுமதித்தார். சமீபகாலமாக அப்பாவை சந்திக்கும் உறவினர்கள் எல்லாரும், பூஜாவை இன்னும் எவ்வளவு நாளைக்கு நடிக்க வைக்கப் போகிறாய்? அவளுக்கு என்று ஒரு குடும்ப வாழ்க்கையை ஏற்படுத்திக் கொடுக்க வேண்டாமா? என் கேட்கிறார்கள். இதனால், நீ நடித்தது போதும்னு அப்பாவும், அம்மாவும் என்னிடம் கேட்டுக் கொண்டனர். அவர்களின் மனதை நான் கஷ்டப்படுத்த விரும்பவில்லை. அதனால் சினிமாவை விட்டு விலக முடிவு எடுத்திருக்கிறேன்.

நான் திருமணம் செய்து கொண்டு குடும்படம் நடத்த வேண்டும் என்று அப்பாவும் அம்மாவும் விரும்புகிறார்கள். அவர்களின் ஆசையை நிறைவேற்றுவது ஒரு மகள் என்ற முறையின் என் கடமையாக நினைக்கிறேன். எப்போது என்பதை இன்னமும் முடிவு செய்யவில்லை. அது நடக்கும்போது நடக்கட்டும். எனக்கு வரப்போகிறவர் என்னிடம் அன்பாக இருந்தால் போதும். வருங்கால கணவர் குறித்து எனக்கு பெரிய கனவுகள் எதுவும் இல்லை. ஓரளவு எனக் பொருத்தமாக இருந்தால் போதும். அவருடைய நிறம் பற்றியெல்லாம் கவலை இல்லை. சிகரெட் புகைப்பதும், குடிப்பதும் எனக்கு பிடிக்காது. அந்த பழக்கங்கள் இல்லாதவராக இருந்தால் போதும்.

இலங்கையில் இருக்கும் எனது தாத்தாவுக்கு 95 வயதாகிறது. பாட்டிக்கு 90 வயது. கடைசி காலத்தில் அவர்கள் மீது அன்பை முழுமையாக செலுத்தப் போகிறேன். இலங்கையில் தங்கியிருந்து தாத்தா - பாட்டியை கவனித்துக் கொள்வதுதான் எனது இப்போதைய முழுநேர வேலை.

இவ்வாறு நடிகை பூஜா கூறினார்.

நடிகை பூஜா இதுவரை நடித்துள்ள தமிழ் படங்கள் :

* ஜே ஜே
* அட்டகாசம்
* உள்ளம் கேட்குமே
* ஜித்தன்
* பட்டியல்
* தம்பி
* தகப்பன்சாமி
* பொறி
* ஓரம் போ
* நான் கடவுள்

செக்‌ மோசடி வழக்கு! ரம்பா அம்மாவுக்கு பிடிவாரண்ட்!!

2010-04-07T02:43:00.000-07:00

ஐந்து லட்சம் ரூபாய் செக் மோசடி வழக்கில் நடிகை ரம்பாவின் தாயாரை கைது செய்து ஆஜர்படுத்த வேண்டும் என்று சென்னை போலீசாருக்கு மதுரை கோர்ட் உத்தரவிட்டுள்ளது. மதுரையை‌ சேர்ந்த கோபுரம் பிலிம்ஸ் நிறுவனத்தின் மேலாளர் சங்கரன், மதுரை 4வது ஜூடிசியல் மாஜிஸ்திரேட் கோர்ட்டில் தொடர்ந்த வழக்கில், பிரபல திரைப்பட நடிகை ரம்பாவின் தாயாரான உஷாராணி, தனது இளைய மகன் வாசுவை திரைப்படங்களை வினியோகம் செய்யும் துறையில் ஈடுபடுத்த விரும்பினார். இதற்கு முதலீடு செய்ய பணம் தேவைப்பட்டதால் என்னிடம் கடந்த 10.10.2004 அன்று ரூ.5 லட்சம் கடன் கேட்டார்.

சினிமா துறையில் வரும் வருமானத்தில் இருந்து அந்த பணத்தை திருப்பி தந்து விடுவதாக கூறியதால் நானும் பணத்தை கொடுத்தேன். இதற்காக சென்னையில் உள்ள அவரது வங்கி கணக்கில் இருந்து 17.2.2005 தேதியிட்ட ரூ.5 லட்சத்துக்கான செக்கினை கொடுத்தார். அந்த தேதியில் மதுரையில் உள்ள இந்தியன் வங்கியில் எனது கணக்கில் அந்த செக்கினை செலுத்தினேன். ஆனால் அவரது வங்கி கணக்கு அந்த தேதிக்கு முன்பாக முடிக்கப்பட்டு விட்டது என்று கூறி நான் செலுத்திய செக் திரும்பி வந்தது. இதுகுறித்து விளக்கம் கேட்டு உஷாராணிக்கு வக்கீல் நோட்டீஸ் அனுப்பினேன். ஆனால் உரிய முறையில் அவர் பதில் அளிக்கவில்லை. எனவே அவர் மீது மாற்று ஆவண முறை சட்டத்தின் கீழ் உரிய நடவடிக்கை எடுத்து, நான் கொடுத்த பணத்தை திரும்ப பெற்றுத்தரும்படி கேட்டுக்கொள்கிறேன், என்று கூறியிருந்தார்.

இந்த மனு மீதான விசாரணை நடந்து வந்த நிலையில் கடந்த சில விசாரணைகளுக்கு உஷாராணி நேரில் ஆஜராகவில்லை. இதனால் அவரை கைது செய்ய வாரண்டு பிறப்பிக்கும்படி மனுதாரரின் வக்கீல் ஆர்.முருகன் கோர்ட்டில் மனு தாக்கல் செய்தார். இதனை ஏற்று ரம்பாவின் அம்மா உஷாராணிக்கு ஜாமீனில் வரமுடியாத பிடிவாரண்டு பிறப்பித்து மதுரை கோர்ட் உத்தரவிட்டுள்ளது. மே மாதம் 28ம்தேதிக்கு வழக்கை தள்ளி வைத்த மாஜிஸ்திரேட், அப்போது ரம்பாவின் தாயாரை கைது செய்து ஆஜர் படுத்த வேண்டும் என்று சென்னை விருகம்பாக்கம் போலீசாருக்கு உத்தரரவிட்டார்.

நடிகை ரம்பாவுக்கும், கனடாவை சேர்ந்த தொழில் அதிபர் இந்திரகுமாருக்கும் திருப்பதியில் நாளை (8ம்தேதி) திருமணம் நடை‌பெறவுள்ள நிலையில் ரம்பாவின் தாயாருக்கு பிடிவாரண்ட் பிறப்பிக்கப்பட்டிருப்பது குறிப்பிடத்தக்கது.

மனிஷாவுக்கு திருமணம்

2010-04-07T02:29:00.000-07:00

பம்பாய், முதல்வன், மும்பை எக்ஸ்பிரஸ் படங்களில் நடித்த மனிஷா கொய்ராலா தனது நீண்ட நாள் காதலரை கைப்பிடிக்கிறார். இவர்கள் திருமணம் ஜூன் மாதம் நடைபெறுகிறது.

மனிஷா நேபாளத்தைச் சேர்ந்தவர். நேபாள சினிமாவில் அறிமுகமானாலும் இந்திப் படங்களே இவரை பிரபலப்படுத்தியது. தமிழில் பம்பாய் படத்தில் மூலம் அறிமுகமானார். தொடர்ந்து ஷங்க‌ரின் முதல்வன், இந்தியன், கமலின் மும்பை எக்ஸ்பிரஸ் உள்ளிட்ட படங்களில் நடித்தார்.

சமீபமாக எந்தப் படத்திலும் நடிக்காதிருந்த இவர் மலையாளத்தில் எலெக்ட்ரா என்ற படத்திலும் தனுஷின் மாப்பிள்ளை படத்திலும் நடிக்க ஒப்பந்தமாகியுள்ளார். மாப்பிள்ளையில் இவர் தனுஷின் மாமியாக நடிப்பது குறிப்பிடத்தக்கது.

கடந்த சில வருடங்களாக மனிஷாவும் நேபாளத்தைச் சேர்ந்த தொழிலதிபர் சாம்ராத் தாகல் என்பவரும் காதலித்து வந்தனர். இதற்கு முன்பும் மனிஷா பலரை காதலித்துள்ளதால் இந்தக் காதலை மீடியாக்கள் அவ்வளவாக கண்டு கொள்ளவில்லை.

இந்நிலையில் தனது காதலர் சாம்ராத்தை திருமணம் செய்யப் போவதாக மனிஷா தெ‌ரிவித்துள்ளார். இவர்கள் திருமணம் ஜூன் மாதம் 19 ஆம் தேதி காட்மண்டுவில் நடக்கிறது.

மௌனம் பேசியதே வெளிவந்ததும் அமீர் கதை சொல்ல பி‌ரியப்பட்டது விஜய்யிடம்

2010-04-07T02:07:00.000-07:00

தனது முதல் படம் மௌனம் பேசியதே வெளிவந்ததும் அமீர் கதை சொல்ல பி‌ரியப்பட்டது விஜய்யிடம். சில காரணங்களால் அது முடியாமல் போனது. ராம், பருத்திவீரன் என்று அமீர் பிஸியானதால் விஜய், அமீர் சந்திப்பு நடைபெறாமலே போனது.

யோகி படத்தின் தோல்வி அமீரை ‌ரிவர்ஸில் சிந்திக்க‌த் தூண்டியிருக்கிறது. உடனடி கமர்ஷியல் சக்சஸுக்கான வேட்டையில் இருப்பவர் யோகிக்குப் பிறகு எடுப்பதாக இருந்த கண்ணபிரானை நிறுத்தி வைத்து ஆதிபகவான் என்ற நூறு சதவீத கமர்ஷியல் கதையை ஜெயம் ரவியை வைத்து இயக்குகிறார். இந்தப் படத்துக்குப் பிறகும் அவர் பருத்திவீரன் பாதைக்கு திரும்புவதாக இல்லை.

சமீபத்தில் நடந்த விழாவொன்றில் விஜய்யுடன் பணிபு‌ரிய விரும்புவதாக தெ‌ரிவித்தார் அமீர். அவரது விருப்பத்துக்கு விஜய் தரப்பிலிருந்து கி‌‌ரீன் சிக்னல் கிடைத்திருக்கிறது. ஆதிபகவான் படத்துக்குப் பிறகு அமீர் விஜய்யை இயக்கினாலும் ஆச்ச‌ரியமில்லை.

ஆக, அன்று நிகழாமல் போன ச‌ரித்திரம் மீண்டும் நிகழ்வதற்கான சாத்தியங்கள் தெ‌ரிகிறது. பருத்திவீரன் போன்ற படங்களை அமீ‌ரிடம் எதிர்பார்க்கும் ரசிகர்களுக்கு இது பெருத்த ஏமாற்றம்தான்.

தமன்னா காதலிக்கிறார்.... : கார்த்தி நேரடி பதில்

2010-04-06T11:15:00.000-07:00

கார்த்தி- தமன்னா நடித்த பையா படம் வெற்றிகரமாக ஓடிக்கொண்டிருக்கிறது. இவ்விருவரும் காதலிப்பதாகவும் செய்திகள் ஒரு பக்கம் ஓடிக்கொண்டிருக்கின்றன.

இந்நிலையில் இன்று கார்த்தி சென்னை ரெசிடன்சி டவரில் பத்திரிக்கையாளர்களை சந்தித்தார்.

பையா பட சந்தோசத்தில் இருப்பதாக குறிப்பிட்ட கார்த்தியிடம் அடுத்து அமீர்,செல்வா, லிங்குசாமி மூவரும் கால்ஷீட் கேட்டால் யாருக்கு கால்ஷீட் கொடுப்பீங்க?’என்று கேட்டதும்,

‘’பருத்தி வீரன், ஆயிரத்தில் ஒருவன் படங்களுக்காக நிறைய டைம் எடுத்துக்கிட்டேன். பையா அப்படியில்லை.

வாய்ப்புகள் நிறைய வருகின்றன. அதனால் அந்த படங்களையெல்லாம் நடித்து முடித்துவிட்டுத்தான் ரிஸ்க் கேரக்டரில் நடிப்பேன். அதனால் இப்போதைக்கு அமீர், செல்வராகவன் படங்கள் நடிக்க மாட்டேன். எனது அடுத்த கால்ஷீட் லிங்குசாமிக்குத்தான் கொடுப்பேன்.

மூன்று, நான்கு வருடங்கள் ரிஸ்க் எடுத்து நடிப்பதை இப்போதைக்கு தவிர்க்கிறேன்’’ என்றவரிடம் விசயத்திற்கு வந்தார்கள்.

’தமன்னா உங்களை காதலிக்கிறாரா? என்று கேட்டதுக்கு, ‘ஆமாம், அவர் காதலிக்கிறார்...சினிமாவை!’என்று தப்பித்தார்.

பத்திரிக்கையாளர்கள் அவரை தப்ப விடவில்லை. வசமாக கொக்கி போட்டார்கள்.

அண்ணன் சூர்யாவும் இப்படித்தான் மூன்று வருடமாக ஜோதிகாவை லவ் பண்ணலன்னு சொன்னார். ஜோதிகா சினிமாவை லவ் பண்ணுறாரு. நானும் சினிமாவை லவ் பண்ணுறேன்னு சொன்னார் சூர்யா. ஆனால் கடைசியில் என்னாச்சு? என்றதும்,

’’அடடா.. நான் இப்ப என்ன சொல்லனும்னு எதிர்பார்க்குறீங்க. அப்படியெல்லாம் எதுவும் இல்லங்க...என்று சங்கடப்பட்டதும்,

சரி, போகட்டும்..சூர்யாவும், நீங்களும் இணைந்து நடிப்பீர்களா? என்றதற்கு,

‘’நானும் அண்ணனும் நடிப்போம். ஆனால் அண்ணும் தம்பியுமா நடிக்க விருப்பமில்லை. அவர் ஹீரோவாகவும், நான் வில்லனாகவும் நடிக்க ஆசை’’என்றார்.

‌ஜீவாவின் ஆடலேறு

2010-04-06T08:57:00.000-07:00

கோ படத்துக்குப் பிறகு ஆடலேறு என்ற படத்தில் நடிக்கிறார் ‌ஜீவா. ஆடலேறு என்றால் சிங்கம் என்று அர்த்தம்.

இந்தப் படத்தை தயா‌ரிப்பவர் தமிழ்குமரன். இவர் பாமக தலைவர் ‌ஜி.கே.மணியின் மகன். சமீபத்தில் நடந்த பென்னாகரம் தேர்தலில் பாமக சார்பில் போட்டியிட்டு இரண்டாம் இடத்தைப் பிடித்தவர்.

தமிழ் சினிமாவுக்கு எதிராக பேசி வரும் பாட்டாளி மக்கள் கட்சியின் பிரமுகர்கள் படம் தயா‌ரிப்பதில் ஆர்வம் காட்டுவது ஆச்ச‌ரியம். ஆ‌க்சன் படமான ஆடலேறுவை இயக்குவது சோழன் என்ற அறிமுக இயக்குனர். ‌ஜீவாவுக்கான ஜோடியை தேடி வருகிறார்கள்.

ஆடலேறு, சோழன்... ஆஹா அழகான தமிழ்ப் பெயர்கள். படத்தையும் இதே அழகுடன் எடுங்கண்ணா.

ஏப்ரலில் வாடா

2010-04-06T07:53:00.000-07:00

இந்த மாதம் இயக்குனர் ஏ.வெங்கடேஷின் இரண்டு படங்கள் வெளியாகிறது. ஒன்று அருண் விஜய் நடித்திருக்கும் மாஞ்சா வேலு. இன்னொன்று சுந்தர் சி. நடித்திருக்கும் வாடா.

வாடா இம்மாதம் 16ஆம் தேதி திரைக்கு வருகிறது. வழக்கமான கமர்ஷியல் படமான இதில் சுந்தர் சி.க்கு ஜோடியாக ஷெ‌ரில் பி‌ரிண்‌ட்டோ நடிக்கிறார். இவர் விஜயகாந்தின் அரசாங்கம் படத்தில் அவருக்கு ஜோடியாக நடித்தவர்.

வாடாவில் ஷெ‌ரில் பி‌ரிண்‌ட்டோ எம்‌.ஜி.ஆர். ரசிகையாக நடித்துள்ளார். பொதுவாக ஹீரோதான் எம்‌.ஜி.ஆர். ரசிகராக நடிப்பார். ஒரு மாறுதலுக்கு இந்தப் படத்தில் ஹீரோயின். அவர் வரும் காட்சிகள் கலகலப்பாக படமாக்கப்பட்டுள்ளதாம்.

சுருளிராஜன் கெட்டப்பில் நடித்துள்ளார் விவேக். ஏதாவது கெட்டப் போடாமல் காமெடி பண்ண முடியாது என்ற வறட்சிக்கு விவேக் தள்ளப்பட்டு வெகு காலமாகிறது. சுருளிராஜன் பொறுத்தருள்வதாக.

டி.இமான் இசையில் என்னடி ராக்கம்மா பாடலை ‌‌ரீமிக்ஸ் செய்திருக்கிறார்கள்.

கிளவுட் நைன் தயா‌ரிப்பில் வெற்றிமாறன்

2010-04-06T06:51:00.000-07:00

இன்றைய தேதியில் தமிழி சினிமாவின் பெ‌ரிய தயா‌ரிப்பாளர்கள் என்றால் அது உதயநிதியும், தயாநிதியும்தான். பையா படத்தின் ஒட்டுமொத்த உ‌ரிமையை வாங்கிய தயாநிதியின் கிளவுட் நைன் நிறுவனம் மூன்று படங்களை‌த் தயா‌ரிக்க திட்டமிட்டுள்ளது.

முதல் படம் தூங்கா நகரம். மதுரையை பின்புலமாகக் கொண்ட இப்படத்தின் படப்பிடிப்பு ஏற்கனவே நடந்து வருகிறது.

அடுத்து அ‌‌ஜீத் நடிப்பில் கௌதம் வாசுதேவ மேனன் இயக்கும் படம். முழுக்க வெளிநாட்டில் தயாராகும் இந்தப் படம் அ‌‌ஜீத்தின் ஐரோப்பா ரேஸ் முடிந்த பிறகு தொடங்குகிறது.

மூன்றாவது வெற்றிமாறன் இயக்கும் படம். ஆடுகளம் படத்துக்குப் பிறகு கார்த்தி நடிப்பில் வட சென்னை என்ற படத்தை வெற்றிமாறன் இயக்குவதாக அவரே தெ‌ரிவித்திருந்தார். அந்தப் படத்தை தயாநிதியின் கிளவுட் நைன் தயா‌ரிக்கிறது.

இவை தவிர வேறு சில படங்களை‌த் தயா‌ரிக்கவும் கதை கேட்டு வருகிறார் தயாநிதி அழகி‌ரி.

சென்னை பாக்ஸ் ஆஃபிஸ் - பையா முதலிடம்

2010-04-06T06:47:00.001-07:00

லிங்குசாமியின் பையா சென்னை பாக்ஸ் ஆஃபிஸில் முதலிடத்தைப் பிடித்துள்ளது. மாஸ் நடிகர்களின் படங்களுக்கு இருக்கும் மெகா ஓபனிங் இந்தப் படத்துக்கு கிடைத்திருப்பது ஆச்ச‌ரியம்.

சென்ற வார சென்னை பாக்ஸ் ஆஃபிஸில் 4வது இடத்தை‌ப் பிடித்துள்ளது கச்சே‌ரி ஆரம்பம். சரக்கு இல்லாத இந்த கச்சே‌ரி சென்ற வார இறுதியில் 2.9 லட்சங்களை மட்டுமே வசூலித்துள்ளது. இரண்டு வாரங்களில் இதன் மொத்த சென்னை வசூல் 69 லட்சங்கள்.

3வது இடத்தில் விண்ணைத்தாண்டி வருவாயா. இந்த வருடத்தின் முதல் ஹிட். சென்ற வார இறுதியில் இதன் வசூல் 10.6 லட்சங்கள். ஐந்து வார முடிவில் மொத்த சென்னை வசூல் 5.13 கோடிகள். இந்த வருடத்தில் ஐந்து கோடியை தாண்டிய முதல் படம் இது.

2வது இடத்தில் வசந்தபாலனின் அங்காடித்தெரு. பத்தி‌ரிகைகளின் பாஸிடிவ்வான விமர்சனம் ரசிகர்களை திரையரங்கை நோக்கி இழுக்கிறது. இதன் சென்ற வார இறுதி வசூல் 12.46 லட்சங்கள். இரண்டு வாரங்கள் முடிவில் மொத்த வசூல், 64 லட்சங்கள். நல்ல படத்துக்கு இது குறைவுதான்.

முதலிடத்தில் பையா. படத்தின் பாடல்கள் ஹிட்டானது தயா‌ரிப்பாள‌ரின் அதிர்ஷ்டம். பையா வெளியான முதல் மூன்று தினங்களில் ஏறக்குறைய 71 லட்சங்களை வசூலித்து சாதனை படைத்துள்ளது.

வர்மாவின் கடவுளும் காதலும்

2010-04-06T06:44:00.000-07:00

ராம்கோபால் வர்மா ரக்த ச‌ரித்ரா படத்தை தமிழ், இந்தி, தெலுங்கு என மும்மொழிகளில் எடுத்து வருகிறார். அவரது அடுத்தப் படமும் இதேபோல் மும்மொழிகளில் தயாராகவுள்ளது. காரணம், படத்தின் கதை.

உண்மைச் சம்பவங்களை, அதுவும் சென்சிடிவ்வான விஷயங்களை படமாக்குவது என்றால் வர்மாவுக்கு அல்வா சாப்பிடுவது மாதி‌ரி. ரக்த ச‌ரித்ராவும் கூட ஆந்திராவில் வாழந்த ப‌‌ரி‌ட்டால ரவி என்ற ரவுடியின் கதைதான். தாவூத் இப்ராஹிமின் கதையையே டி என்ற பெய‌ரில் வர்மா தயா‌ரித்துள்ளார்.

இந்தமுறை வர்மாவின் கவனத்தை ஈர்த்திருப்பவர் நித்யானந்தா. பாலியல் குற்றச்சாற்றில் சிக்கிய அவரது கதையை தழுவி தனது அடுத்தப் படத்தை எடுக்கிறாராம் வர்மா. படத்துக்கு அவர் வைத்திருக்கும் பெயர் காட் அண்ட் செக்ஸ். கலெ‌க்சன் கன்பார்ம்.

விஜய் படத்துக்கு தடை

2010-04-06T06:40:00.000-07:00

மே 1ஆ‌ம் தேதி விஜய்யின் 50வது படம் சுறா வெளியாகிறது. பொதுவாக விஜய் படம் தமிழ்நாட்டில் வெளியாகும் அதே நாள் கேரளாவிலும் வெளியாகும். வசூலிலும் அடி பின்னும்.

ஆனால் சுறா கேரளாவில் வெளியாவதில் சிக்கல் ஏற்பட்டுள்ளது.

மலையாளப் படங்கள் கேரளாவில் ச‌ரியாகப் போகாததால் மலையாளப் படவுலகினர் பல நடவடிக்கைகள் எடுத்து வருகின்றனர். முக்கியமாக தமிழ், இந்தி, ஆங்கிலப் படங்கள் கேரளாவில் வெளியாவதை கட்டுப்படுத்துவது.

சமீபத்தில் வெளியான விண்ணைத்தாண்டி வருவாயா கேரளாவில் சூப்பர் ஹிட். நேரடி மலையாளப் படங்களைவிட இது அதிகம் வசூலித்தது.

இந்நிலையில் மற்ற மொழிப் படங்களை அவை ‌ரிலீஸாகும் அதே நாளில் கேரளாவில் வெளியிட மலையாள திரைப்பட விநியோகஸ்தர்கள் சங்கம் தடை விதித்துள்ளது.

இந்த தடை மே 1ஆம் தேதி அதாவது சுறா வெளியாகும் அதேநாள் அமலுக்கு வருகிறது. இதன் காரணமாக சுறா கேரளாவில் வெளியாவதில் சிக்கல் ஏற்பட்டுள்ளது.

இந்த திடீர் சிக்கல் சுறாவின் ‌ரிலீஸ் தேதியில் மாற்றத்தை ஏற்படுத்தினாலும் ஆச்ச‌ரியமில்லை.